TUN-ANAN 1

Epektibong Introduksiyon

Buhat 17:22

SUMARYO: Ang imong introduksiyon kinahanglang makapainteres, konektado sa topiko, ug makapahunahuna sa imong mamiminaw kon nganong angay silang mainteres niini.

KON UNSAON PAGHIMO:

Pukawa ang interes. Pagpilig pangutana, tinuod nga mga hitabo, balita, o bisan unsa nga makapainteres sa imong mamiminaw.

Hunahunaa daan kon unsay makapainteres ug gikabalak-an sa imong mamiminaw ug ipahiuyon niana ang imong introduksiyon.
Pagpilig topiko. Seguroa nga makatabang ang imong introduksiyon nga maklaro sa imong mamiminaw ang topiko ug ang katuyoan sa imong bahin.
Ipakita kon nganong importante ang topiko. Ipahiuyon ang imong isulti sa panginahanglan sa imong mamiminaw. Kinahanglang tin-aw nilang masabtan kon nganong makatabang nila ang topiko.

Samtang nangandam ug pakigpulong, pangutan-a ang kaugalingon, ‘Unsay kahimtang sa mga igsoon sa among kongregasyon?’ Unya ipahiuyon niana ang imong introduksiyon.