HAURAN

[Naluspad].

Usa ka utlanang dapit diha sa panan-awon ni Ezequiel bahin sa panulondon sa Israel. (Eze 47:​13, 15, 16, 18) Sumala sa pipila ka eskolar giokupahan niini ang halos samang dapit nga sakop kaniadto sa gitawag ug “Basan.” (Tan-awa ang BASAN.) Lagmit ang Hauran mao ang distrito nga gihisgotan diha sa karaan nga Ehiptohanong mga sinulat (Huruna) ug sa Asiryanhong mga dokumento ni Salmaneser III (Hauranu). Mopatim-aw usab nga katumbas kini sa mas gamay nga rehiyon nga gitawag ug Auranitis sa Gresyanhon-Romanhong mga panahon. Ang ngalang Hauran gigamit karong adlawa alang sa hanayhay nga kabalilihan sa tabunok nga pulang yuta taliwala sa Damasco ug sa Yarmuk.