JEHONATAN

[Si Jehova Naghatag].

Sa Hebreohanon kining ngalana sagad gigamit nga baylobaylo sa Jonatan. Ang gitala sa ubos mao lamang ang mga teksto diin gihubad kini nga Jehonatan. Alang sa mga teksto nga makita ang pinamubo, tan-awa ang JONATAN.

1. Usa sa mga Levihanon nga gipadala ni Jehosapat sa ikatulong tuig sa iyang paghari aron sa pagtudlo sa balaod ni Jehova ngadto sa katawhan sa Juda.​—2Cr 17:​5, 7-9.

2. Usa ka sekretaryo kansang balay gihimong bilanggoan, diin didto gibilanggo si Jeremias. (Jer 37:​15, 20; 38:26) Ang balay lagmit nga may mga lawak sa ilalom sa yuta nga angayan nga mahimong bilanggoan.

3. Pangulo sa balay sa amahan sa mga saserdote human sa yugto sa pagkadestiyero sa mga adlaw ni Jesua nga manununod ni Joiakim.​—Neh 12:​10, 12, 18.