Yetereho entego omu bwire bw’Ekijusyo

Buri mwaka, abahereza ba Yehova nibategereza n’ekihika okubuganira hamwe ngu bijuke okufa kwa Yesu. Esande eziri kubandiriza Ekijusyo n’eziri kukikurata, nituba twine omugisha g’okuhimbisa Yehova n’okumusima ahabw’eco kiconco c’ekitambo eki yatuhire. (Efe 1:3, 7) Ecokureberaho: Nitukora cona eki turi kubasa ngu twete abantu bingi omu Kijusyo. Abamwe hine ebi bari kuhindura kugira ngu babase kuba abapayoniya b’abayambi abari kumara amashaha 30 ninga 50, omu Kwakashatu n’omu Kwakana. Mbehi n’iwe noyenda kongera aha murimo gwawe omuri obu bwire bw’Ekijusyo? Ni enki ekiri kubasa kukukwasa kubihikaho?

Obushangirwe, nitubasa kukora byingi ku turi kubanza twayetegura bucari kare. (Emi 21:5) Ahakuba turi hihi kuhika omu bwire bw’Ekijusyo, hati ni bwo bwire bw’okwetegura. Reba oku ori kubasa kwagura omurimo omu bwire bw’Ekijusyo, kandi otecereze eki ori kubasa kukora ngu ohike aha ntego zawe. Bwanyima oshabe Yehova akuhe omugisha omu bi ori kwetegura kukora.​—1Yoh 5:14, 15.

Mbehi nobasa kutecereza aha buryo oburi kubasa kukukwasa kongera aha murimo gwawe omu bwire bw’Ekijusyo?