ISHOMERO RY'AHARI INTANETI rya Watchtower
Watchtower
ISHOMERO RY'AHARI INTANETI
Orukiga
  • BIBULI
  • EBITABO
  • ENTERANE
  • w20 Okwakatano pp. 8-11
  • Abagabe babiri omu biro by’emperu

Vidiyo teriho omuri ebi watorana.

Yehangane! Habaho akazibu omu kwigura egi vidiyo.

  • Abagabe babiri omu biro by’emperu
  • Omunara g’Omurinzi Nigutangaza Obukama bwa Yehova (Omunara g’okwega)—2020
  • Ebiri kushushana
  • Omugabe w’omu matemba omu biro by’emperu
    Omunara g’Omurinzi Nigutangaza Obukama bwa Yehova (Omunara g’okwega)—2020
  • Omuri obu bwire omugabe w’omu matemba ni oha?
    Omunara g’Omurinzi Nigutangaza Obukama bwa Yehova (Omunara g’okwega)—2020
  • Ekitabo c’Okushururwa nikigamba ki aha bangi ba Ruhanga?
    Omunara g’Omurinzi Nigutangaza Obukama bwa Yehova (Omunara g’okwega)—2022
  • Yegera aha buhanuzi bw’omuri Bibuli
    Omunara g’Omurinzi Nigutangaza Obukama bwa Yehova (Omunara g’okwega)—2023
Omunara g’Omurinzi Nigutangaza Obukama bwa Yehova (Omunara g’okwega)—2020
w20 Okwakatano pp. 8-11

Abagabe babiri omu biro by’emperu

Obuhanuzi obwayerekwa omuri aka kashanduku nibugamba ebintu ebyabire birabeho omu bwire bumwe. Nibyereka omu buryo obutari kushushana ku turi ‘omu biro by’emperu.’​—Dan 12:4.

Akashanduku akari kwereka oku obuhanuzi oburi kukwata aha mugabe w’omu matemba n’ow’omu mashuma bwagenzire nibuhikirira kwiha omu mwaka gwa 1870 kuhisya omuri obu bwire.
  • Akashanduku k’okubanza, nikereka oku obuhanuzi bwagenzire nibujwekerana omu biro by’emperu n’okwiha omu mwaka gwa 1870 kuhisya omu gwa 1918. Kwiha omu mwaka gwa 1914 eyo myaka negambwaho ku ari ebiro by’emperu. Obuhanuzi bw’okubanza: Enyamishwa y’emitwe mushanju ekagaruka yabaho. Omu rutaro rw’okubanza rw’ensi yona, omutwe gw’eyo nyamishwa gwa mushanju gukahutara. Kwiha omu mwaka gwa 1917 omutwe gw’eyo nyamishwa gukakira. Obuhanuzi bwa kabiri: Omugabe w’omu matemba n’ow’omu mashuma bakarebeka omu mwaka gwa 1870. Omu mwaka gwa 1871 omugabe w’omu matemba akaba ari Jamani. Omuri obwo bwire omugabe w’omu mashuma akaba ari Bungereza, konka omu mwaka gwa 1917 akahinduka obutegeki bwa nyinensi bwa Bungereza na Amerika. Obuhanuzi bwa kashatu: Kwiha omu myaka ya za 1870, Charles T. Russell na bagenzi beye bakarebeka ku ni “entumwa.” Kwiha omu myaka ya za 1880, ‘Omunara g’Omurinzi gwa Sayuni’ gukahiga abashomi bago kuburira obutumwa burungi. Obuhanuzi bwa kana: Kwiha omu mwaka gwa 1914, okugesha kukatandika. Encenzi zikatanisibwa n’engano. Obuhanuzi bwa katano: Kwiha omu mwaka gwa 1917, ebigeri by’ecoma bijwangize n’ibumba bikegita. Ebyo bikarebeka omu mwaka gwa 1914 kuhisya omu gwa 1918, omu rutaro rw’okubanza rw’ensi yona. Ebyo bikakwata aha bahereza ba Yehova, ahakuba kwiha omu mwaka gwa 1914 kuhisya omu gwa 1918, Abegi ba Bibuli b’omuri Bungereza n’ab’omuri Jamani bakatebwa omu bihome. Omu mwaka gwa 1918, benetata b’ahari ofisi nkuru zitu omuri Amerika bakatebwa omu bihome.
    Obuhanuzi bw’okubanza.

    Ebyahandikirwe: Kush 11:7; 12:13, 17;13:1-8, 12

    Obuhanuzi: ‘Enyamishwa’ emazire ebinyigana byingi eri kutegeka ensi. Omu biro by’emperu, omutwe gwayo gwa mushanju gukahutara. Bwanyima, ogo mutwe gukakira kandi ‘ab’ensi yona bagikurata.’ Sitaane nakoresa enyamishwa kugira ngu ‘arwanise oruzaro rw’omukazi orusigireho.’

    Oku bwahikirire: Bwanyima y’omwijuro, abategeki abari kuhakanisa Yehova bakatandika kutegeka abantu. Bwanyima y’ebinyigana byingi, omu rutaro rw’okubanza rw’ensi yona, obugabe bwa Bungereza bukahwa amani. Bukagaruka kugira amani obu bwayegisire na Amerika. Omuri ebi biro by’emperu, Sitaane nakoresa obutegeki bw’abantu kugira ngu ahiganise abahereza ba Ruhanga.

  • Obuhanuzi bwa kabiri.

    Ecahahandikirwe: Dan 11:25-45

    Obuhanuzi: Omu biro by’emperu omugabe w’omu matemba n’ow’omu mashuma bakarwanira obugabe.

    Oku bwahikirire: Jamani n’obutegeki bwa Bungereza na Amerika bakarwana. Omu mwaka gwa 1945, amahanga geterine g’Abasoviyeti n’abayekwatanisize na go gakaba omugabe w’omu matemba. Omu mwaka gwa 1991, amahanga geterine g’Abasoviyeti gakagwa kandi ku hahwireho obwire, Burusiya n’abari kwekwatanisa na yo ekaba omugabe w’omu matemba.

  • Obuhanuzi bwa kashatu.

    Ebyahandikirwe: Isa 61:1; Mal 3:1; Luk 4:18

    Obuhanuzi: Yehova akatuma “entumwa” yeye kugira ngu ‘etebekanise omuhanda’ mbere y’Obukama bwa Mesia. Ogo mutwe gukatandika kuburira abacurezi obutumwa burungi.

    Oku bwahikirire: Kuruga omu mwaka gwa 1870, C. T. Russell na bagenzi beye bakataho amani omu kugaruraho amazima g’omuri Bibuli. Omu myaka ya 1880, bakatandika kuhiga abahereza ba Ruhanga kukora omurimo g’okuburira. Bakacapa ekicweka ekiri kugira ngu: “Nitwenda ababurizi 1,000” n’ekiri kugira ngu: “Bakatoranwa kukora omurimo g’okuburira.”

  • Obuhanuzi bwa kana.

    Ecahandikirwe: Mat 13:24-30, 36-43

    Obuhanuzi: Omwangi akabiba encenzi omu musiri gw’engano kandi zayikirizibwa kukura n’engano okuhisya omu bwire bw’okugesha; bwanyima ezo ncenzi zatanisibwa omu ngano.

    Oku bwahikirire: Kuruga omu myaka ya za 1800, Abakristo ab’amazima bakatandika kutanisibwa aha Abakristo b’ebishuba. Omuri obu bwire bw’aha muheru, Abakristo ab’amazima bakatandika kuteranwa hamwe kugira ngu batanisibwe n’ab’ebishuba.

  • Obuhanuzi bwa katano.

    Ecahandikirwe: Dan 2:31-33, 41-43

    Obuhanuzi: Ebigeri by’ecoma kijwangize n’ibumba by’ekishushani ekikozirwe omu coma.

    Oku bwahikirire: Ibumba nirigeranisa abaturage abari kutegekwa na Bungereza na Amerika konka bari kuhakanisa obwo butegeki. Abo baturage nibatuma obwo butegeki bwa nyinensi butakoresa amani gabwo gona agari nk’ecoma.

  • Akashanduku ka kabiri, nikereka oku obuhanuzi bwagenzire nibujwekerana omu biro by’emperu n’okwiha omu mwaka gwa 1919 kuhisya 1945. Omugabe w’omu matemba akaba ari Jamani kuhisya omu mwaka gwa 1945. Omugabe w’omu mashuma akaba ari obutegeki bwa nyinensi bwa Bungereza na Amerika. Obuhanuzi bwa mukaga: Omu mwaka gwa 1919, Abakristo abashukirweho omwika bakateranizibwa hamwe omu kibina. Kwiha omu mwaka gwa 1919, omurimo g’okuburira gukakorwa kukira oku gwabire nigukorwa. Obuhanuzi bwa mushanju: Omu mwaka gwa 1920, Ekitongore c’obumwe bw’amahanga (LN) kikatebwaho kandi cagumizamu kukora kuhisya orutaro rwa kabiri rw’ensi yona rwatandika. Obuhanuzi bw’okubanza, enyamwishwa y’emitwe mushanju ekagumizamu. Obuhanuzi bwa katano, ebigeri by’ecoma bijwangize n’ibumba bikagumizamu. Kwiha omu mwaka gwa 1939 kuhisya omu gwa 1945, hakabaho orutaro rwa kabiri rw’ensi yona. Ebyo bikakwata aha bahereza ba Yehova, ahakuba kwiha omu mwaka gwa 1933 kuhisya omu gwa 1945, omuri Jamani Abahamya abari kurenga 11,000 bakatebwa omu bihome. Kwiha omu mwaka gwa 1939 kuhisya omu gwa 1945, omuri Bungereza Abahamya abari kuhika ahari 1,600 bakatebwa omu bihome. Kwiha omu mwaka gwa 1940 kuhisya omu gwa 1944, omuri Amerika Abari kurwanisa Abahamya bari kurenga 2,500 bakabatahirira.
    Obuhanuzi bwa mukaga.

    Ecahandikirwe: Mat 13:30; 24:14, 45; 28:19, 20

    Obuhanuzi: “Engano” nizibikwa omu ‘bitara’ kandi omwambari omwesigwa kandi ow’omunywabwenge akatoranwa kugira ngu areberere ‘ab’omu ka.’ Omurimo g’okuburira ‘engiri y’Obukama bw’omu iguru’ gukatandika kukorwa ‘omu nsi yona.’

    Oku bwahikirire: Omu mwaka gwa 1919, omwambari omwesigwa akatoranwa kwebembera abahereza ba Yehova. Okuruga omuri obwo bwire, abegi ba Bibuli bakakora omurimo g’okuburira munonga. Omuri obu bwire, Abahamya ba Yehova nibaburira omu mahanga agari kukira ahari 200 kandi nibahandika ebitabo ebiri kwegesa Bibuli omu ndimi eziri kukira ahari 1,000.

  • Obuhanuzi bwa mushanju.

    Ebyahandikirwe: Dan 12:11; Kush 13:11, 14, 15

    Obuhanuzi: Enyamishwa eyine amahembe abiri ekebembera omu kukora ekishushani c’enyamishwa, kandi yahereza ekishushani c’enyamishwa omwika ngu kigambe.

    Oku bwahikirire: Obugabe bwa nyinensi bwa Bungereza na Amerika bukebembera omu kutaho Ekitongore c’obumwe bw’amahanga (LN). Agandi mahanga gakashagika eco kitongore. Bwanyima, omugabe w’omu matemba akekwatanisa omuri eco kitongore kuruga omu mwaka gwa 1926-1933. Abantu bakatekateka ngu Ekitongore c’obumwe bw’amahanga (LN) nikibaretera obusinge nk’oku kiri hati aha Kitongore c’amahanga ageterine (UN), kandi Obukama bwa Ruhanga ari bwo bwonka oburi kubasa kukikora.

  • Akashanduku ka kashatu, nikereka oku obuhanuzi bwagenzire nibujwekerana omu biro by’emperu n’okwiha omu mwaka gwa 1945 kuhisya 1991. Omugabe w’omu matemba akaba ari Amahanga geterine g’Abasoviyeti n’ababire bakwatanisize na go kuhisya omu mwaka gwa 1991; bwanyima akaba Burusiya n’abakwatanisize na yo. Obwo bwire omugabe w’omu mashuma akaba ari obutegeki bwa nyinensi bwa Bungereza na Amerika. Obuhanuzi bwa munana: Obutegeki bwa Bungereza na Amerika bukatera ekisasi c’oburogo cayita bingi. Obuhanuzi bwa mwenda: Ekitongore c’amahanga ageterine (UN) kikazaho omu mwaka gwa 1945 omu mwanya gw’Ekitongore c’obumwe bw’amahanga (LN). Obuhanuzi bw’okubanza, enyamishwa y’emitwe mushanju ekagumizamu. Obuhanuzi bwa katano, ebigeri by’ecoma bijwangize n’ibumba bikagumizamu. Obuhanuzi bwa mukaga, omu mwaka gwa 1945 hakaba hariho ababurizi abari kurenga 156,000. Omu mwaka gwa 1991, hakaba hariho ababurizi abari kurenga 4,278,000. Ebyo bikakwata aha bahereza ba Yehova, ahakuba kwiha omu mwaka gwa 1945 kuhisya omu myaka ya za 1950 Amahanga geterine g’Abasoviyeti gakatwara abahamya bingi omuri Siberiya.
    Obuhanuzi bwa munana.

    Ecahandikirwe: Dan 8:23, 24

    Obuhanuzi: Omugabe ori kutinisa ‘nareta okucwecerera okuri kutinisa.’

    Oku bwahikirire: Obutegeki bwa Bungereza na Amerika bukita abantu bingi. Ecokureberaho: Omu rutaro rwa kabiri rw’ensi yona, Amerika ekita abantu bingi obu yaterire ebisasi bibiri bihango omu ihanga eryabire riri kurwanisa obutegeki bwa nyinensi.

  • Obuhanuzi bwa mwenda.

    Ebyahandikirwe: Dan 11:31; Kush 17:3, 7-11

    Obuhanuzi: ‘Enyamishwa eri kutukura’ neruga omu kina kandi ni we mugabe wa munana. Amahembe gayo ikumi nigacwecereza ‘maraya’ kandi eyo nyamishwa na yo obwayo necwecerezibwa. Ekitabo ca Danieli nikigigambaho kuba eri ‘ekiri kuzira ekiri kuhwerecereza.’

    Oku bwahikirire: Ekitongore c’obumwe bw’amahanga (LN) kikarugaho omu rutaro rwa kabiri rw’ensi yona. Bwanyima y’orutaro, Ekitongore c’amahanga ageterine (UN) ‘kikatebwaho.’ Nk’oku abantu babire bari kutekateka ngu Ekitongore c’obumwe bw’amahanga (LN) nikibaretera obusinge, ni ko bari kwikiriza n’Ekitongore c’amahanga ageterine (UN), kandi Obukama bwa Ruhanga ari bwo bwonka oburi kubasa kukikora. Ekitongore c’amahanga ageterine (UN) nikija kutahirira amadini.

  • Akashanduku ka kana, nikereka oku obuhanuzi bwagenzire nibujwekerana omu biro by’emperu n’omuri obu bwire kuhisya ahari Haramadegoni. Omugabe w’omu matemba ni Burusiya n’abu bakwatanisize. Omugabe w’omu mashuma ni obutegeki bwa nyinensi bwa Bungereza na Amerika. Obuhanuzi bw’ikumi: Abategeki b’ensi baryaranga ngu ni ‘obusinge, tihariho kabi.’ Bwanyima okubonabona kwingi kuryatandika. Obuhanuzi bw’ikumi na bumwe: Amahanga garyatahirira ebitongore by’amadini g’ebishuba. Obuhanuzi bw’ikumi na bubiri: Obutegeki bw’ensi buryatahirira abahereza ba Ruhanga. Abashukirweho omwika abariba basigire omu nsi baryatwarwa omu iguru. Obuhanuzi bw’ikumi na bushatu: Haramagedoni. Oshitami aha mbarasi eri kwera aryasingurira kimwe. Enyamishwa y’emitwe mushanju eryacwecerezibwa; ibare riryayatagura ebigeri by’ecoma bijwangize n’ibumba. Obuhanuzi bw’okubanza, enyamishwa y’emitwe mushanju eryagumaho kuhisya ahari Haramagedoni. Obuhanuzi bwa katano, ebigeri ebijwangize n’ibumba biryagumaho kuhisya ahari Haramagedoni. Obuhanuzi bwa mukaga, omuri obu bwire hariho ababurizi abari kurenga 8,580,000. Ebyo bikakwata aha bahereza ba Yehova, ahakuba omu mwaka gwa 2017, obutegeki bwa Burusiya bukata omu bihome Abahamya kandi bwakwatirira ebyombeko bya ofisi zabo.
    Obuhanuzi bw’ikumi n’obw’ikumi na bumwe.

    Ebyahandikirwe: 1 Tes 5:3; Kush 17:16

    Obuhanuzi: Amahanga nigaranga ngu ni ‘obusinge, tihariho kabi,’ kandi ngu ‘amahembe ikumi’ n’‘enyamishwa baryayanga maraya.’ Bwanyima, ago mahanga na go garyacwerezibwa.

    Oku burihikira: Amahanga nigija kutekateka ngu garesireho obusinge omu nsi. Amahanga agari kushagika Ekitongore c’amahanga ageterine (UN) nigija kucwecereza amadini g’ekishuba. Eyo eryaba entandikiro y’okubonabona kwingi. Oko kubonabona nikwija kuhendera obu Yesu arije kucwecereza ensi ya Sitaane ahari Haramagedoni.

  • Obuhanuzi bw’ikumi na bubiri.

    Ebyahandikirwe: Ezk 38:11, 14-17; Mat 24:31

    Obuhanuzi: Googi natahirira abahereza ba Ruhanga. Bwanyima, ba marayika bateranize hamwe ‘entore.’

    Oku burihikirira: Omugabe w’omu matemba n’agandi mahanga agariba gasigireho omu nsi, baryatahirira abahereza ba Ruhanga. Bwanyima y’oko kutahirirwa, abatorinwe abariba basigireho baryatwarwa omu iguru.

  • Obuhanuzi bw’ikumi na bushatu.

    Ebyahandikirwe: Ezk 38:18-23; Dan 2:34, 35, 44, 45; Kush 6:2; 16:14, 16; 17:14; 19:20

    Obuhanuzi: “Oshutami” aha ‘mbarasi eri kwera nasingura omu kurwana ngu abone kusingurira kimwe’ Googi n’amahe geye. ‘Enyamishwa ‘eryanagwa omu nyanja eri kwakamu omuriro’ guri kugurumira kandi ibare niryija kwatagura ekishushani.

    Oku burihikirira: Yesu, Omugabe w’Obukama bwa Ruhanga nayija kucungura abahereza ba Ruhanga. Ari hamwe n’abantu 144,000 abaritegeka na we hamwe na ba marayika, baryacwereza ensi ya Sitaane.

    Ebitabo by’Orukiga (2017-2024)
    Shohora
    Tahamu
    • Orukiga
    • Yohereza
    • Ebi ndi kukunda
    • Copyright © 2026 Watch Tower Bible and Tract Society of Pennsylvania
    • Ebiragiro
    • Obugabe bwange
    • Privacy Settings
    • JW.ORG
    • Tahamu
    Yohereza