Chì hè u secretu di una vita di famìglia felice ?

« Beati [...] quelli chì ascoltanu a Parolla di Diu è a mettenu in pràtica ! » (Lucca 11:28, Bible en français courant).

Sè vo seguitate stu cunsigliu, favurizate :

 u veru amore (Efesini 5:28, 29),

 u rispettu (Efesini 5:33),

 un’ambienza di cunfidenza mutuale (Marcu 10:6-9).

Iè, per omancu duie ragione :

•  Diu hè l’Autore di a famìglia. A Bìbbia dice chì « ogni famìglia [...] deve u so nome » à Ghjehova Diu (Efesini 3:14, 15, Traduction du monde nouveau). Vole dì chì, a famiglia esiste perchè Ghjehova l’hà creata. Perchè hè impurtante di sapella ?

  Fate contu : Site intraccia di campavvi à manghjà un bonìssimu piattu è vulete cunnosce a ricetta. À quale a dumandate ? Cù lògica, à quellu chì hà preparatu stu piattu.

  Di listessa manera, per cunnosce a ricetta di una vita di famìglia felice, u megliu hè di dumandà à Ghjehova, l’Autore di a famìglia (Gènesi 2:18-24).

•  Diu hà primura di voi. E famìglie anu tuttu interessu à ricercà i cunsigli chì Ghjehova dà indè a so Parolla, a Bìbbia. Perchè ? Perchè hà « ... primura di voi » (1 Petru 5:6, 7, a Sacra Bìbbia C. Dubois). Ghjehova vole u vostru benestà, è i so cunsigli facenu sempre prò ! (Pruvèrbii 3:5, 6 ; Esàia 48:17, 18).