Psonm
En sanson pour remersye Bondye.
100 Tou zabitan later, selebre akoz Zeova.
2 Ador Zeova dan lazwa.
Vin devan li e kriye avek lazwa.
3 Dimoun i bezwen konnen* ki Zeova i Bondye.
I sa enn ki’n fer nou e nou pour li.*
Nou son pep e bann mouton ki i pran swen avek.
4 Vin remersye li kot baro son landrwa sen,
Vin loue li dan bann lakour son lakaz.
Remersye li e loue son non.
5 Parski Zeova i bon.
Son lanmour fidel i dire pour touzour
E i fidel pour zenerasyon apre zenerasyon.