Kalite nou labonte

1. Pour konn labonte Zeova

I en lazwa ki dirab.

Konman nou Papa dan lesyel

Son aksyon i admirab.

I donn faver, montre pitye

Menm plis ki nou merite.

Nou kontan pour nou servi li.

I diny pour ganny adore.

2. I’n kre nou dan son resanblans,

Pour permet nou devlop tou

Bann kalite ki i annan.

Imit labonte sirtou.

Annou montre plis labonte,

Lezot kalite osi.

Priy pour nou ganny son lespri sen,

Pour ed nou devlop son fri.

3. Nou form parti sa gran fanmir

Ki ini dan menm lafwa,

Nou montre faver nou bann frer,

Me ed tou zonm ek lazwa

Partaz bon nouvel ek lespwar

Avek bann nou rankontre

San fer preferans pour personn;

Touzour montre labonte.