Amelyor nou abilite pour prese​—Pres avek bann dimoun aveg

AKOZ I ENPORTAN: Bokou dimoun ki aveg pa tro kontan koz avek bann dimoun ki zot pa konnen. Alor, i demann bann bon abilite pour anons sa bon nouvel avek zot. Zeova i enterese e i kontan bann aveg. (Le 19:14) Nou kapab imit son legzanp par pran linisyativ pour ed spirityelman bann dimoun ki aveg.

KI MANNYER POUR FER LI:

• “Rode” kote bann aveg i reste. (Mt 10:11) Eski ou konn en dimoun ki enn son fanmir i aveg? Eski dan ou teritwar i annan en lekol, kazern oubyen lezot landrwa ki ti pou kontan ganny bann piblikasyon ki’n ganny fer pour zot bann aveg?

• Demontre lentere personnel. Ler ou amikal e ou demontre en lentere senser, sa pou ed bann aveg santi zot pli alez. Esey konmans en konversasyon par koz lo en size ki enteres bann dimoun dan ou teritwar.

• Ed zot pour konn Zeova. Pour ed bann dimoun ki pa vwar kler, nou lorganizasyon in prodwi bann piblikasyon dan diferan format. Demann sa dimoun ki mannyer i ti pou kontan aprann. Sirveyan servis pou fer sir ki sa frer ki okip piblikasyon i rekomann piblikasyon dan format ki sa dimoun aveg i pli kontan.