Not anba lo paz

a Zenez 12:14-20: “¹⁴ Dek ki Abram ti ariv Lezip, bann Ezipsyen ti remarke ki sa madanm ti vreman zoli. ¹⁵ Bann prens Faraon osi ti vwar li e zot ti konmans koz lo li an byen avek Faraon. Alor sa madanm ti ganny anmennen kot lakaz Faraon. ¹⁶ Akoz sa madanm, i ti tret Abram byen e i ti ganny mouton, kabri, bef, bourik mal ek femel, serviter msye konman madanm ek samo. ¹⁷ Apre Zeova ti frap Faraon ek son fanmir avek bann fleo terib akoz Sarai, madanm Abram. ¹⁸ Alor Faraon ti apel Abram e dir li: ‘Ki ou’n fer? Akoz ou pa ti dir mwan ki i ou madanm? ¹⁹ Akoz ou’n dir, “I mon ser”? Ou ti pros pour fer mwan pran li konman mon madanm. La ou madanm. Pran li e ale!’ ²⁰ Alor Faraon ti donn son bann zonm lord konsernan li e zot ti fer li ek son madanm ale avek tou sa ki i ti annan.”