Lekel Bondye?

Depi ki imen i egziste, zot in ador bokou diferan kalite bondye. Me Labib i koz lo en Bondye ki “pli gran ki tou lezot bondye.” (2 Kronik 2:5) Lekel li? Kwa ki fer li pli gran ki tou lezot bondye ki dimoun i adore? Dan sa leson, ou pou aprann ki sa Bondye i anvi ou konnen lo li.

1. Ki mannyer Bondye i apele e akoz nou asire ki i anvi nou konn son non?

Dan Labib, Bondye i entrodwi son lekor avek nou. I dir: “Mwan mon Zeova. Sa i mon non.” (Lir Izai 42:5, 8) “Zeova” i sorti dan en non Ebre ki vedir “I fer arive.” Zeova i anvi ou konn son non. (Egzod 3:15) Akoz nou dir sa? Son non i aparet plis ki 7,000 fwa dan Labib!a Sa bann tit parey “bondye” oubyen “senyer” i kapab pe refer avek nenport ki dimoun ki ganny adore. Me sa non Zeova i pour “sa vre Bondye anler dan lesyel e anba lo later.”​—Deterononm 4:39.

2. Ki Labib i dir nou lo Zeova?

Labib i dir nou ki parmi tou bondye ki imen i adore, zis Zeova ki sa vre Bondye. Akoz? I annan plizyer rezon. Li ki annan lotorite pli o dan liniver, zis Zeova ki “Tre O lo later antye.” (Lir Psonm 83:18) I “Tou Pwisan,” ki vedir i annan lafors pour fer tou sa ki i anvi fer. I ti “kree tou keksoz” dan liniver e lo later. (Revelasyon 4:8, 11) Zis Zeova tousel ki’n touzour egziste e ki pou touzour egziste.​—Psonm 90:2.

3. Bondye i annan plizyer tit me zis en non

Pour vwar diferans ant tit ki en dimoun i annan ek son non, zwe sa VIDEO e apre reponn sa kestyon.

VIDEO: Plizyer tit me en sel non (0:41)

• Ki diferans i annan ant en tit parey “Senyer” ek en non?

Labib i dir ki dimoun i ador plizyer bondye ek senyer. Lir Psonm 136:1-3 e apre reponn sa kestyon:

• Lekel “Bondye bann bondye” e “Senyer bann senyer”?

4. Zeova i anvi ou konn son non e servi li

VIDEO: Eski Bondye i annan en non?​—Ekstre (3:11)

• Ou krwar Zeova i anvi dimoun konn son non? Akoz?

Zeova i anvi dimoun i servi son non. Lir Romen 10:13 e apre reponn sa bann kestyon:

• Eski i enportan pour servi non Zeova?

• Ki mannyer ou santi ler en dimoun i rapel ou non e servi li?

• Ki mannyer ou krwar Zeova i santi ler ou servi son non?

5. Zeova i anvi ou vin pli pros avek li

VIDEO: Mon ti rod sa vre Bondye (8:18)

• Dan sa video, ki Soten ti santi ler i ti aprann non Bondye?

Normalman ou bezwen konn non en dimoun avan ki ou vin son zanmi. Lir Zak 4:8a e apre reponn sa bann kestyon:

• Ki Zeova i envit ou pour fer?

• Ki mannyer konn e servi non Bondye i kapab fer ou vin pli pros avek li?

REZIMEN

Sa sel vre Bondye i apel Zeova. I anvi nou konn son non e servi li pour nou vin pli pros avek li.

Revizyon

• Ki mannyer Zeova i diferan avek tou lezot Bondye ki dimoun i adore?

• Akoz nou devret servi son non?

• Ki mannyer ou konnen Zeova i anvi ou vin pros avek li?

FER PLIS RESERS

Egzamin senk rezon akoz nou kapab asire ki Bondye i egziste.

“Does God Exist?” (Lartik lo jw.org)

Annou vwar akoz i fer sans pour krwar ki Bondye in touzour egziste.

“Lekel ki’n fer Bondye?” (Latour Veyer Septanm–Oktob 2014)

Aprann akoz nou devret servi non Bondye menm si nou pa konnen egzakteman ki mannyer i ti prononse o konmansman.

“Lekel Zeova?” (Lartik lo jw.org)

Eski i enportan ki mannyer nou apel Bondye? Annou vwar akoz nou kapab dir ki Bondye i annan zis en non.

“How Many Names Does God Have?” (Lartik lo jw.org)