LESON 42
Ki Labib i dir konsernan bann ki marye ek bann selibater?
Dan serten kiltir, dimoun i tant pour krwar ki en dimoun pa pou zanmen ere si i pa marye. Pourtan, pa tou dimoun marye ki ere e pa tou dimoun ki selibater ki malere. An realite, Labib i koz lo tou le de kalite lavi, marye oubyen selibater, konman en bon keksoz.
1. Ki serten byenfe ou gannyen ler ou reste selibater?
Labib i dir: “Sa ki marye i fer byen, me sa ki pa marye i fer pli byen ankor.” (Lir 1 Korentyen 7:32, 33, 38.) Dan ki fason en dimoun ki pa marye i “fer pli byen”? Bann Kretyen ki selibater napa en konzwen pour pran swen avek. Alor, an zeneral zot annan plis liberte. Serten i kapab fer plis pour Zeova. Par egzanp, zot kapab fer bann keksoz enteresan, parey al dan en lot pei pour anons sa bon nouvel. Pli enportan ankor, zot kapab ganny plis letan pour fer bann keksoz ki pou fer zot vin pli pros avek Zeova.
2. Ki serten byenfe ou gannyen ler ou marye legalman?
Zis parey bann ki reste selibater, lavi maryaz osi i annan son bann byenfe. Labib i dir ki “de dimoun i pli bon ki en dimoun.” (Eklezyas 4:9) Sa i leka sirtou ler bann Kretyen i aplik bann prensip Labib dan zot lavi maryaz. Bann koup ki marye legalman i fer en langazman pour kontan, respekte e apresye kanmarad. Sanmenm ki zot santi zot pli an sekirite ki bann koup ki zis viv avek kanmarad. Deplis, maryaz i fer bann zanfan grandi dan en fanmir stab.
3. Ki mannyer Zeova i vwar maryaz?
Ler Zeova ti fer sa premye maryaz, i ti dir: “En zonm pou kit son papa ek son manman, i pou atase avek son madanm.” (Zenez 2:24) Zeova i anvi en msye ek son madanm i kontan kanmarad e reste avek kanmarad osi lontan ki zot vivan. I permet divors selman dan ka kot enn antre zot in komet adilter. Dan sa ka, Zeova i donn sa konzwen inosan drwa pour li deside si i pou divorse oubyen non.a (Matye 19:9) Zeova pa permet ki bann Kretyen i annan plizyer madanm oubyen msye.—1 Timote 3:2.
AL PLI O PROFON
Aprann ki mannyer ou kapab ere e fer Zeova ere, ki swa ou marye oubyen selibater.
4. Profit byen ou lavi konman en dimoun selibater
Zezi ti dir ki bann ki pa marye i annan en don. (Matye 19:11, 12) Lir Matye 4:23 e apre reponn sa kestyon:
Ki mannyer Zezi ti servi son don konman en dimoun selibater pour servi son Papa e ed lezot?
Parey Zezi, bann Kretyen ki selibater i kapab trouv bokou lazwa dan zot lavi. Zwe sa VIDEO e apre reponn sa kestyon.
Ki mannyer bann Kretyen ki selibater i kapab viv zot lavi dan en fason satisfezan?
Eski ou ti konnen?
Labib pa dir ki laz en dimoun i devret marye. Me i ankouraz nou pour pa marye “tro zenn” kot bann dezir seksyel i kapab anpes nou byen swazir sa dimoun ki nou pou marye avek.—1 Korentyen 7:36.
5. Swazir byen sa dimoun ki ou pou marye avek
Enn bann desizyon pli enportan ki ou bezwen fer dan ou lavi se swazir sa dimoun ki ou pou marye avek. Lir Matye 19:4-6, 9 e apre reponn sa kestyon:
Akoz en Kretyen pa devret taye pour li marye?
Labib i kapab ed ou konnen ki ou devret rode dan sa dimoun ki ou pou marye avek. Sa ki pli enportan, se rod pour marye avek en dimoun ki kontan Zeova.b Lir 1 Korentyen 7:39 ek 2 Korentyen 6:14. Apre reponn sa bann kestyon:
Akoz nou devret marye selman avek en dimoun ki annan menm krwayans avek nou?
Ki mannyer ou krwar Zeova ti pou santi si nou marye avek en dimoun ki pa kontan Li?
Si ou fer de zannimo ki byen diferan travay ansanm, zot pou soufer. Pareyman, en Kretyen ki marye avek en dimoun ki napa menm krwayans avek li pou rankontre bokou problenm
6. Vwar maryaz parey Zeova i vwar li
Dan lepok Izrael, serten zonm ti divors zot madanm pour bann rezon egois. Lir Malaki 2:13, 14, 16 e apre reponn sa kestyon:
Akoz Zeova i deteste en divors ki pa zistifye?
Adilter ek divors i fer soufer sa konzwen inosan ek bann zanfan
Zwe sa VIDEO e apre reponn sa kestyon.
Si ou’n marye avek en dimoun ki napa menm krwayans avek ou, ki ou kapab fer pour ou maryaz reisi?
7. Aksepte bann standar Zeova konsernan maryaz
Petet en dimoun i bezwen fer bokou zefor pour aksepte standar Zeova lo maryaz.c Me Zeova i beni bann ki fer li. Zwe sa VIDEO.
Lir Ebre 13:4 e apre reponn sa bann kestyon:
Eski ou krwar standar Zeova lo maryaz i rezonnab? Akoz?
Zeova i ekspekte bann Kretyen pour anrezistre zot maryaz ek divors vi ki dan laplipar pei gouvernman i demann bann dimoun pour fer sa. Lir Tit 3:1 e apre reponn sa kestyon:
Si ou marye, eski ou asire ki ou maryaz i ganny rekonnet legalman par gouvernman?
SI EN DIMOUN I DEMANDE: “Akfer marye? Nou pa kapab zis viv ansanm?”
Ki ou ti pou reponn?
REZIMEN
Marye oubyen reste selibater, i bon dan lizye Zeova. Tou le de i kapab anmenn lazwa ek satisfaksyon si sa dimoun pe viv son lavi an armoni avek lavolonte Zeova.
Revizyon
Ki mannyer en dimoun i kapab byen profit son lavi menm si i selibater?
Akoz Labib i dir nou marye avek selman bann ki annan menm krwayans avek nou?
Ki sa sel rezon dapre Labib ki nou kapab divorse?
FER PLIS RESERS
Ki savedir marye “selman avek en disip Senyer”?
Get sa de pti video ki kapab ed ou fer bann bon desizyon konsernan pwente ek maryaz.
Vwar akoz en frer i santi ki sa ki Zeova in donn li i annan bokou plis valer ki okenn keksoz ki i’n kit deryer.
Ki serten keksoz en dimoun i devret pran an konsiderasyon avan ki i deside divorse oubyen separe?
“Onor ‘sa ki Bondye in ini ansanm’” (Latour Veyer Desanm 2018)
a Vwar Lezot lenformasyon No. 4 konsernan separasyon kot napa okenn adilter ki’n ganny komet.
b Dan serten kiltir, bann paran ki swazir en dimoun pour zot zanfan marye avek. Dan sa ka, bann bon paran pa pou les larzan oubyen ran sosyal enfliyans zot swa, me plito zot devret gete si sa dimoun i kontan Zeova.
c Si ou pe viv avek en dimoun me ou pa marye avek li, se ou ki pou deside si ou pou marye avek li ouswa si ou pou kite avek li.