LESON 36
Onnet dan tou keksoz
Tou dimoun i anvi annan bann zanmi ki onnet. Zeova osi i ekspekte son bann zanmi pour onnet. Me sa pa fasil dan en lemonn kot bokou dimoun i dezonnet. Ki byenfe nou gannyen ler nou onnet dan tou keksoz?
1. Ki rezon pli enportan nou annan pour onnet?
Ler nou onnet avek lezot, nou montre Zeova ki nou kontan e respekte li. Mazin sa: Zeova i konn tou sa ki nou mazinen ek tou sa ki nou fer. (Ebre 4:13) I vwar ler nou swazir pour nou onnet e i apresye sa. Son Parol i dir: “Zeova pa kontan dimoun malonnet, me i bon zanmi avek dimoun ki fer sa ki drwat.”—Proverb 3:32.
2. Ki serten fason nou kapab montre ki nou onnet dan lavi toulezour?
Zeova i anvi nou “koz laverite avek kanmarad.” (Zekarya 8:16, 17) Ki sa i vedir? Nou pa koz manti oubyen donn okenn fo lenformasyon avek nenport ki ki nou koz avek, ki swa nou fanmir, nou koleg travay, nou bann frer ek ser Kretyen oubyen bann zofisye gouvernman. Bann dimoun ki onnet pa vole ouswa fer frod. (Lir Proverb 24:28 ek Efezyen 4:28.) Zot osi pey tou taks ki zot dwa. (Romen 13:5-7) Se dan sa fason ek lezot ankor, ki nou “konport nou onnetman dan tou keksoz.”—Ebre 13:18.
3. Ki byenfe nou gannyen ler nou onnet?
Ler nou annan repitasyon konman en dimoun onnet, lezot i annan konfyans dan nou. Nou kontribye pour fer tou dimoun dan kongregasyon santi zot an sekirite parey en bon pti fanmir. Nou annan en konsyans kler. Nou lonnekte i kapab osi “anmenn loner lo lansennyman Bondye nou Sover” e atir lezot dimoun anver sa vre ladorasyon.—Tit 2:10.
AL PLI O PROFON
Vwar ki lefe lonnekte i annan lo Zeova e lo ou. Aprann ki mannyer ou kapab onnet dan diferan sityasyon dan lavi.
4. Lonnekte i fer plezir Zeova
Lir Psonm 44:21 ek Malaki 3:16 e apre reponn sa bann kestyon:
Akoz ou krwar i pa fer sans pour nou mazinen ki nou kapab kasyet laverite?
Ki mannyer ou krwar Zeova i santi ler nou swazir pour dir laverite, menm si i difisil pour fer li?
Ler zanfan i koz laverite, zot fer zot paran kontan. Ler nou koz laverite, nou fer Zeova plezir
5. Toultan onnet
Bokou dimoun i krwar ki i pa toultan posib pour nou onnet. Me annou vwar akoz ki nou devret onnet toultan. Zwe sa VIDEO.
Lir Ebre 13:18 e apre diskite ki mannyer nou kapab onnet . . .
dan lafanmir.
dan travay oubyen kot lekol.
dan tou lezot sityasyon.
6. Nou benefisye ler nou onnet
O konmansman nou kapab krwar ki lonnekte pou met nou dan problenm. Me a lafen dizour i sa pli bon keksoz ki ou kapab fer. Lir Psonm 34:12-16 e apre reponn sa kestyon:
Ki mannyer lonnekte i fer ou annan en pli bon lavi?
Bann msye ek madanm ki onnet i fer zot maryaz vin pli for
Bann travayer ki onnet i ganny konfyans zot anplwayer
Bann sitwayen ki onnet i ganny en bon repitasyon avek bann zofisye gouvernman
SERTEN DIMOUN I DIR: “Sa en pti mansonz sa, napa nanryen mal avek.”
Akoz ou krwar ki Zeova i deteste tou kalite mansonz?
REZIMEN
Zeova i anvi son bann zanmi i onnet dan tou sa ki zot dir e fer.
Revizyon
Ki serten fason nou kapab montre nou onnet?
Akoz i pa fer sans pour nou mazinen ki nou kapab kasyet laverite?
Akoz ou anvi onnet toultan?
FER PLIS RESERS
Ki mannyer paran i kapab ansenny zot zanfan pour onnet?
Ki byenfe nou gannyen ler nou gard nou promes?
Vwar si nou bezwen pey taks menm si zot ganny mal servi.
“Taxes—Must You Pay Them?” (Latour Veyer 1 Septanm 2011 an Angle)
Kwa ki ti motiv en msye malonnet pour sanze e ganny son lavi dan en fason onnet?
“Mon’n aprann ki Zeova i annan mizerikord e i pare pour pardonnen” (Latour Veyer Zilyet–Out 2015)