• Motive Par “Bann Mervey Ki Bondye In Fer”
    Latour Veyer—2002 | 1 Out

    • Motive pour fer Keksoz!

       4. Ki profesi Yoel ki ti ganny akonpli zour Lapannkot lannen 33 N.L.?

      4 Vi ki zot ti’n resevwar lespri sen, sa bann disip an Zerizalenm pa ti tarde pour partaz sa bon nouvel delivrans avek lezot. Zot ti konmans avek sa lafoul ki ti’n reini sa zour bomaten. Zot predikasyon ti akonpli en profesi remarkab, ki ti ganny rikorde wit syek avan par Yoel, garson Petouel: “Mon pou vers mon lespri lo tou sort laser, e zot bann garson ek zot bann fiy pou vreman profetize. An sa ki konsern zot bann vyeyar, zot pou ganny bann rev. An sa ki konsern zot bann zennonm, zot pou vwar bann vizyon. E menm bann serviter zonm ek fanm, mon pou vers mon lespri lo zot . . . avan ki sa gran zour efreyan Zeova i arive.”—Yoel 1:1; 2:28, 29, 31; Akt 2:17, 18, 20.

       5. Dan ki sans bann Kretyen premye syek ti profetize? (Vwar not anba lo paz.)

      5 Eski sa i vedir ki Bondye ti pe al lev en zenerasyon profet, zonm konman fanm, parey David, Yoel, ek Debora, e servi zot pour predir bann levennman ki ti pou arive dan lavenir? Non. Bann ‘garson, fiy, ek bann serviter’ Kretyen ti pou profetize dan le sans ki zot ti pou ganny motive par lespri Zeova pour proklanm “bann mervey” ki Zeova ti’n fer e pou kontinyen fer. Alors zot ti pou servi konman bann portparol pour Tre O.a Me ki mannyer sa lafoul ti reazir?—Ebre 1:1, 2.

  • Motive Par “Bann Mervey Ki Bondye In Fer”
    Latour Veyer—2002 | 1 Out

    • a Kan Zeova ti apwent Moiz ek Aaron pour koz avek Faraon lo non son pep, I ti dir avek Moiz: “Mon’n fer ou Bondye pour Faraon, e Aaron ou prop frer pou vin ou profet.” (Egzod 7:1) Aaron pa ti servi konman en profet dan le sans ki i ti predir bann levennman ki ti pou arive dan lavenir, me par vin portparol Moiz oubyen sa enn ki ti koz pour li.