LESON 43
Ki pwennvi bann Kretyen lo lalkol?
Dimoun partou dan lemonn, i annan diferan lopinyon lo lalkol. Serten i kontan bwar en pti gin detanzaot ler zot avek zot bann zanmi, lezot i swazir pour pa bwar ditou. I annan lezot ankor ki bwar pour sou. Me ki pwennvi Labib lo lalkol?
1. Eski i mal pour bwar lalkol?
Labib pa defann bwar lalkol. O kontrer, ler i pe koz lo bann bon keksoz ki Bondye in donn nou, Labib i koz lo ‘diven ki fer dimoun zwaye.’ (Psonm 104:14, 15) Serten zonm ek fanm fidel ki ganny mansyonnen dan Labib ti bwar lalkol.—1 Timote 5:23.
2. Ki konsey Labib i donn bann ki deside pour bwar?
Pour Zeova i mal pour bwar tro bokou e pour bwar pour sou. (Galat 5:21) Son Parol i dir: “Pa frekant dimoun ki bwar tro bokou diven.” (Proverb 23:20) Alor, si nou deside pour bwar, menm an prive, nou pa devret bwar ziska en degre ki nou pa kapab reflesir byen, kontrol sa ki nou dir e fer e osi pour gard en bon lasante. Si nou pa kapab kontrol nou bwar, alor nou devret aret bwar net.
3. Ki mannyer nou montre ki nou respekte desizyon lezot konsernan lalkol?
Sak dimoun i bezwen deside si i pou servi lalkol oubyen non. Nou pa devret ziz en dimoun ki swazir pour bwar avek moderasyon ouswa met presyon lo en dimoun ki deside pour pa bwar ditou. (Romen 14:10) Si ler nou bwar sa i fer problenm pour lezot, alor nou swazir pour pa bwar ditou. (Lir Romen 14:21.) Nou “pa . . . rod [nou] prop lentere, me lentere lezot.”—Lir 1 Korentyen 10:23, 24.
AL PLI O PROFON
Egzamin bann prensip Labib ki pou ed ou deside si ou pou bwar e si ou fer li ki kantite ou pou bwar. Vwar osi ki ou kapab fer si ou pe lalit avek en problenm bwar.
4. Deside si ou pou bwar
Ki pwennvi Zezi ti annan lo bwar lalkol? Pour konn larepons, vwar sa premye mirak ki Zezi ti fer. Lir Zan 2:1-11 e apre reponn sa bann kestyon:
Ki nou aprann avek sa mirak konsernan pwennvi Zezi lo lalkol ek bann ki ti bwar lalkol?
Vi ki Zezi pa ti vwar li mal pour bwar lalkol, ki mannyer en Kretyen i devret vwar en dimoun ki deside pour servi lalkol?
Pa akoz en Kretyen i lib pour bwar lalkol ki i touzour byen pour fer li. Lir Proverb 22:3 e apre vwar detrwa pwen ki kapab ed ou deside si ou pou bwar:
Ou pe al dray oubyen servi zouti.
Ou ansent.
En dokter in konsey ou pour pa servi lalkol.
Ou annan difikilte pour kontrol lakantite ki ou bwar.
Lalwa pa permet ou pour bwar lalkol.
Ou avek en dimoun ki’n deside pour pa tous lalkol akoz dan lepase i’n annan difikilte pour kontrol son bwar.
Eski ou devret servi lalkol dan en resepsyon maryaz oubyen dan lezot rankont? Pour vwar kwa ki kapab ed ou fer en desizyon, zwe sa VIDEO.
Lir Romen 13:13 ek 1 Korentyen 10:31, 32. Apre ki ou’n lir sak verse Labib, reponn sa kestyon:
Ki mannyer aplik sa prensip i kapab ed ou fer en desizyon ki fer plezir Zeova?
Sak Kretyen i bezwen deside si i pou bwar oubyen non. Menm si parfwa i servi lalkol, i annan defwa ki i kapab deside pour pa bwar ditou
5. Deside ki kantite ou pou bwar
Si ou swazir pour bwar, mazin sa: Zeova pa kondann bwar lalkol me i kondann bwar tro bokou. Akoz? Lir Osea 4:11, 18 e apre reponn sa kestyon:
Ki kapab arive ler en dimoun i bwar tro bokou?
Ki mannyer nou kapab evite bwar tro bokou? Nou bezwen modes e konsyan nou limit. Lir Proverb 11:2 e apre reponn sa kestyon:
Akoz i en bon nide pour nou met en limit lo lakantite ki nou bwar?
6. Aret abiz lalkol
Vwar kwa ki ti ed en msye pour aret abiz lalkol. Zwe sa VIDEO e apre reponn sa bann kestyon.
Dan sa video, ki mannyer Dmitry ti konport li ler i ti konsonm lalkol?
Eski i ti kapab aret bwar deswit?
Ki mannyer i ti finalman reisi aret bwar?
Lir 1 Korentyen 6:10, 11 e apre reponn sa bann kestyon:
Eski bwar pour sou i vreman grav?
Kwa ki montre ki en dimoun ki abiz lalkol i kapab sanze?
Lir Matye 5:30 e apre reponn sa kestyon:
Koup en lanmen i vedir fer serten sakrifis pour fer plezir Zeova. Ki ou kapab fer si ou pe lite pour ou aret abiz lalkol?a
Lir 1 Korentyen 15:33 e apre reponn sa kestyon:
Ki mannyer ou bann zanmi i kapab enfliyans lakantite ki ou bwar?
SI EN DIMOUN I DEMANDE: “Eski i mal pour bwar?”
Ki ou ti pou reponn?
REZIMEN
Zeova in donn nou lalkol pour nou detann me i kondann bwar tro bokou e bwar pour sou.
Revizyon
Ki pwennvi Labib lo lalkol?
Akoz i danzere pour bwar tro bokou?
Ki mannyer nou montre ki nou respekte desizyon lezot konsernan servi lalkol?
FER PLIS RESERS
Ki mannyer bann adolesan i kapab fer bann bon desizyon konsernan lalkol?
Dekouver sa ki ou kapab fer pour sirmont en problenm bwar.
“Servi lalkol dan en fason apropriye” (Latour Veyer 1 Fevriye 2010)
Eski en Kretyen i devret lev son ver ansanm avek lezot pour fer en swe?
“Questions From Readers” (Latour Veyer 15 Fevriye 2007 an Angle)
Dan sa zistwar, “I Was a Bottomless Barrel,” vwar ki mannyer en msye ti reisi aret bwar tro bokou.
a Bann ki adikt avek lalkol petet zot pou bezwen led profesyonnel pour zot kapab arete. Bokou dokter i sizere ki bann ki’n deza annan en problenm bwar pa devret bwar ditou.