Dimoun partou dan lemonn, i annan diferan lopinyon lo lalkol. Serten i kontan bwar en pti gin detanzaot ler zot avek zot bann zanmi, lezot i swazir pour pa bwar ditou. I annan lezot ankor ki bwar pour sou. Me ki pwennvi Labib lo lalkol?

1. Eski i mal pour bwar lalkol?

Labib pa defann bwar lalkol. O kontrer, ler i pe koz lo bann bon keksoz ki Bondye in donn nou, Labib i koz lo ‘diven ki fer dimoun zwaye.’ (Psonm 104:​14, 15) Serten zonm ek fanm fidel ki ganny mansyonnen dan Labib ti bwar lalkol.​—1 Timote 5:23.

2. Ki konsey Labib i donn bann ki deside pour bwar?

Pour Zeova i mal pour bwar tro bokou e pour bwar pour sou. (Galat 5:21) Son Parol i dir: “Pa frekant dimoun ki bwar tro bokou diven.” (Proverb 23:20) Alor, si nou deside pour bwar, menm an prive, nou pa devret bwar ziska en degre ki nou pa kapab reflesir byen, kontrol sa ki nou dir e fer e osi pour gard en bon lasante. Si nou pa kapab kontrol nou bwar, alor nou devret aret bwar net.

3. Ki mannyer nou montre ki nou respekte desizyon lezot konsernan lalkol?

Sak dimoun i bezwen deside si i pou servi lalkol oubyen non. Nou pa devret ziz en dimoun ki swazir pour bwar avek moderasyon ouswa met presyon lo en dimoun ki deside pour pa bwar ditou. (Romen 14:10) Si ler nou bwar sa i fer problenm pour lezot, alor nou swazir pour pa bwar ditou. (Lir Romen 14:21.) Nou “pa . . . rod [nou] prop lentere, me lentere lezot.”​—Lir 1 Korentyen 10:23, 24.

AL PLI O PROFON

4. Deside si ou pou bwar

Ki pwennvi Zezi ti annan lo bwar lalkol? Pour konn larepons, vwar sa premye mirak ki Zezi ti fer. Lir Zan 2:1-11 e apre reponn sa bann kestyon:

• Ki nou aprann avek sa mirak konsernan pwennvi Zezi lo lalkol ek bann ki ti bwar lalkol?

• Vi ki Zezi pa ti vwar li mal pour bwar lalkol, ki mannyer en Kretyen i devret vwar en dimoun ki deside pour servi lalkol?

Pa akoz en Kretyen i lib pour bwar lalkol ki i touzour byen pour fer li. Lir Proverb 22:3 e apre vwar detrwa pwen ki kapab ed ou deside si ou pou bwar:

• Ou pe al dray oubyen servi zouti.

• Ou ansent.

• En dokter in konsey ou pour pa servi lalkol.

• Ou annan difikilte pour kontrol lakantite ki ou bwar.

• Lalwa pa permet ou pour bwar lalkol.

• Ou avek en dimoun ki’n deside pour pa tous lalkol akoz dan lepase i’n annan difikilte pour kontrol son bwar.

Eski ou devret servi lalkol dan en resepsyon maryaz oubyen dan lezot rankont? Pour vwar kwa ki kapab ed ou fer en desizyon, zwe sa VIDEO.

VIDEO: Eski mon devret servi lalkol? (2:41)

Lir Romen 13:13 ek 1 Korentyen 10:31, 32. Apre ki ou’n lir sak verse Labib, reponn sa kestyon:

• Ki mannyer aplik sa prensip i kapab ed ou fer en desizyon ki fer plezir Zeova?

5. Deside ki kantite ou pou bwar

Si ou swazir pour bwar, mazin sa: Zeova pa kondann bwar lalkol me i kondann bwar tro bokou. Akoz? Lir Osea 4:11, 18 e apre reponn sa kestyon:

• Ki kapab arive ler en dimoun i bwar tro bokou?

Ki mannyer nou kapab evite bwar tro bokou? Nou bezwen modes e konsyan nou limit. Lir Proverb 11:2 e apre reponn sa kestyon:

• Akoz i en bon nide pour nou met en limit lo lakantite ki nou bwar?

6. Aret abiz lalkol

VIDEO: ‘Mon ti’n fatige avek mon fason viv’ (6:32)

• Dan sa video, ki mannyer Dmitry ti konport li ler i ti konsonm lalkol?

• Eski i ti kapab aret bwar deswit?

• Ki mannyer i ti finalman reisi aret bwar?

Lir 1 Korentyen 6:10, 11 e apre reponn sa bann kestyon:

• Eski bwar pour sou i vreman grav?

• Kwa ki montre ki en dimoun ki abiz lalkol i kapab sanze?

Lir Matye 5:30 e apre reponn sa kestyon:

• Koup en lanmen i vedir fer serten sakrifis pour fer plezir Zeova. Ki ou kapab fer si ou pe lite pour ou aret abiz lalkol?a

Lir 1 Korentyen 15:33 e apre reponn sa kestyon:

• Ki mannyer ou bann zanmi i kapab enfliyans lakantite ki ou bwar?

REZIMEN

Zeova in donn nou lalkol pour nou detann me i kondann bwar tro bokou e bwar pour sou.

Revizyon

• Ki pwennvi Labib lo lalkol?

• Akoz i danzere pour bwar tro bokou?

• Ki mannyer nou montre ki nou respekte desizyon lezot konsernan servi lalkol?

FER PLIS RESERS

Ki mannyer bann adolesan i kapab fer bann bon desizyon konsernan lalkol?

Pa mazin zis sa bwar (2:31)

Dekouver sa ki ou kapab fer pour sirmont en problenm bwar.

“Servi lalkol dan en fason apropriye” (Latour Veyer 1 Fevriye 2010)

Eski en Kretyen i devret lev son ver ansanm avek lezot pour fer en swe?

“Questions From Readers” (Latour Veyer 15 Fevriye 2007 an Angle)

Dan sa zistwar, “I Was a Bottomless Barrel,” vwar ki mannyer en msye ti reisi aret bwar tro bokou.

“The Bible Changes Lives” (Latour Veyer 1 Me 2012 an Angle)

Nou tou nou annan nou gou personnel an sa ki konsern nou resanz ek nou stil seve. Nou kapab swazir sa ki nou anvi mete e an menm tan fer plezir Zeova, si nou swiv enn de prensip Labib. Annou vwar sa bann prensip Labib.

1. Ki prensip ki devret gid nou ler nou pe swazir nou resanz ek stil seve?

Nou devret touzour abiy nou dan en fason “apropriye, ki respektab e avek bon zizman” e toultan gard nou prop, lefet ki nou “ador Bondye.” (1 Timote 2:9, 10) Annou get sa kat prensip: (1) Nou lenz i devret “apropriye.” Parey ou’n remarke dan nou bann renyon, nou konman serviter Zeova nou annan diferan gou. Me nou lenz ek nou stil seve i montre ki nou annan respe pour sa Bondye ki nou adore. (2) Sanz dan en fason “respektab” i vedir ki nou fason sanze pa devret provokan ni atir tro bokou latansyon lo nou lekor. (3) Nou montre ki nou annan “bon zizman” ler nou pa swiv tou lanmod lenz ek seve ki sorti. (4) Ler dimoun i get nou, zot devret fasilman vwar ki nou “ador [sa vre] Bondye.”​—1 Korentyen 10:31.

2. Akoz nou devret mazin lezot ler nou pe deside ki pour mete?

Kantmenm nou lib pour swazir ki nou pou mete, nou devret mazin lefe ki nou fason sanze i annan lo lezot. Nou fer nou mye pour pa ofans personn, o kontrer, nou “fer plezir nou prosen pour son prop byennet e ankouraz li.”​—Lir Romen 15:1, 2.

3. Ki mannyer nou fason sanze i kapab fer lezot dimoun anvi aprann lo Zeova?

Nou devret toultan sanz byen. Me nou devret fer plis zefor sirtou ler nou asiste renyon e ler nou pe al prese. Nou pa anvi nou fason sanze anpes dimoun konpran sa mesaz enportan ki nou pe anmenn pour zot. O kontrer, nou anvi fer laverite atiran pour zot e “anmenn loner lo lansennyman . . . nou Sover.”​—Tit 2:10.

AL PLI O PROFON

4. En bon laparans fizik i montre respe pour Zeova

Ki rezon pli enportan nou annan pour nou sanz byen? Lir Psonm 47:2 e apre reponn sa bann kestyon:

• Vi ki nou reprezant Zeova, ki mannyer sa i devret enfliyans lafason ki nou sanze?

• Eski ou krwar i fer sans pour nou veye ki mannyer nou sanze ler nou asiste renyon e al prese? Akoz?

5. Ki mannyer nou kapab fer bann bon swa konsernan nou fason sanze ek stil seve?

Zwe sa VIDEO.

VIDEO: “Fer tou pour laglwar Bondye” (10:18)

I pa enportan si nou lenz i kout ser oubyen bon marse me sa ki pli enportan se ki i devret prop e apropriye pour tou lokazyon. Lir 1 Korentyen 10:24 ek 1 Timote 2:9, 10. Apre, diskite akoz nou devret evite met bann lenz ki . . .

• en pe anpyang, devergonde oubyen tro casual.

• tro sere, kler oubyen provokan.

Bann Kretyen ozordi pa bezwen swiv Lalwa Moiz me i ansenny nou bokou lo fason ki Zeova i panse. Lir Deterononm 22:5 e apre reponn sa kestyon:

• Akoz nou devret evit bann fason sanze ek stil seve ki fer zonm vin parey madanm e madanm vin parey zonm?

Lir 1 Korentyen 10:32, 33 ek 1 Zan 2:15, 16 e apre reponn sa bann kestyon:

• Akoz i devret en konsern pour nou si nou fason sanze i ofans serten dan nou kominote ouswa dan kongregasyon?

• Ki kalite fason sanze ek stil seve ki popiler kot ou reste?

• Ou krwar serten sa bann stil i kapab pa apropriye pour en Kretyen? Akoz?

REZIMEN

Ler nou byen sanze, nou montre respe pour Zeova e osi pour lezot.

Revizyon

• Akoz nou fason sanze ek stil seve i enportan pour Zeova?

• Ki serten prensip ki devret gid nou ler nou pe deside ki nou pou mete?

• Ki mannyer nou laparans fizik i kapab enfliyans lafason ki lezot i vwar vre ladorasyon?

FER PLIS RESERS

Vwar ki mesaz ou resanz pe donn lezot.

“How Do I Look?” (Lartik lo jw.org)

Aprann akoz i saz pour ou byen reflesir avan ou al met en tatou.

“What Does the Bible Say About Tattoos?” (Lartik lo jw.org)

Annou vwar lezot prensip ki kapab gid nou ler nou pe fer bann desizyon.

“Eski ou fason sanze i glorifye Bondye?” (Latour Veyer Septanm 2016)

Ki mannyer en madanm ki ti anvi fer plezir Bondye ti devlop en pwennvi balanse lo swa ki lezot ti fer konsernan zot fason sanze?

“Dress and Grooming Was My Stumbling Block” (Veye! 22 Desanm 2003 an Angle)