• ‘Abiy Zot Avek Pasyans’
    Latour Veyer—2001 | 1 Novanm

    • “Lanmour i pasyan”

       9. Pour ki rezon petet ki Pol ti dir bann Korentyen ki “lanmour i pasyan”?

      9 Pol ti montre ki i annan en relasyon spesyal ant lanmour ek pasyans kan i ti dir: “Lanmour i pasyan.” (1 Korentyen 13:4) En spesyalis Labib, Albert Barnes, i sizere ki Pol ti met lanfaz lo sa akoz ti annan konpetisyon ek konfli dan kongregasyon Kretyen an Korent. (1 Korentyen 1:11, 12) Barnes i fer resorti: “Sa mo ki’n ganny servi la [pour pasyans] i kontrer avek depese: avek bann manifestasyon ek lide lakoler, e avek iritasyon. I enplik en leta lespri ki letan i ganny oprimen e provoke i kapab SIPORTE POUR EN BON PE LETAN.” Menm konmela, lanmour ek pasyans i kontribye en kantite pour gard lape dan kongregasyon Kretyen.

      10. (a) Dan ki fason lanmour i ed nou pour annan pasyans, e ki konsey zapot Pol ti donnen dan sa domenn? (b) Ki komanter en spesyalis Labib ti fer lo pasyans ek labonte Bondye? (Vwar not anba lo paz.)

      10 “Lanmour i pasyan, e i bon; lanmour . . . pa rod son prop lentere; i pa pran lakoler.” Alor, dan plizyer fason, lanmour i ed nou pour annan pasyans.a (1 Korentyen 13:4, 5) Lanmour i ed nou pour siport kanmarad e i fer nou mazinen ki nou tou nou enparfe e nou annan defo ek febles. I ed nou pour annan konsiderasyon pour lezot e pour pardonnen. Zapot Pol ti ankouraz nou pour “montre limilite, ladouser ek pasyans; avek lanmour siport kanmarad, fer tou pour prezerv linite ki Sent-Espri i donnen par lape ki ini zot ansanm avek kanmarad.”—Efezyen 4:1-3.

  • ‘Abiy Zot Avek Pasyans’
    Latour Veyer—2001 | 1 Novanm

    • a An fezan komanter lo parol Pol ki “lanmour i pasyan, e i bon,” spesyalis Labib Gordon D. Fee i ekrir: “Dan teolozi Pol, zot [pasyans ek labonte] reprezant de kote latitid divin anver limanite (cf. Rom. 2:4). Lo en kote, tolerans Bondye marke par lanmour i ganny demontre par lefe ki i retenir son lakoler lo rebelyon ki imen i fer; lo lot kote, son labonte i ganny trouve dan son mizerikord ki i kontinyelman demontre. Deskripsyon Pol lo lanmour i konmans avek sa de kalite ki Bondye i annan, ki atraver Kris in montre li pasyan e bon anver bann ki merit son zizman defavorab.”