Servi Zeova san okenn regre

“Mon oubliy tou sa ki deryer mwan, e mon fer tou pour ganny sa ki par devan.”​—FILI. 3:13.

FER RESORTI BANN PWEN PRENSIPAL:

Kwa ki ti anpes zapot Pol kontinyen regret sa ki i ti’n fer dan lepase?

Kwa ki pou ed nou ganny lape lespri?

Ki prensip ki pou ed nou servi Bondye san okenn regre?

1-3. (a) Ki si sa regre e ki lefe i kapab annan lo nou? (b) Gras a legzanp Pol, ki nou kapab aprann lo servi Bondye san okenn regre?

EN POET ti ekrir ki dan tou sa parol tris, sa enn ki pli tris se: ‘Plito keksoz ti’n koumsa . . .’ Sa poet ti apel John Whittier e i ti pe koz lo bann keksoz ki nou regrete ouswa ki nou ti a’n kontan refer oubyen fer lotreman. “Regre” i en kalite latristes, douler ki nou resanti, akoz en serten keksoz ki nou’n fer ouswa pa’n fer e i osi kapab vedir “rekonmans plere.” Nou tou nou’n fer bann keksoz ki nou ti a’n swete refer ouswa fer lotreman. Kwa ki ou ou regrete?

² Serten dimoun in fer bann gro fot dan zot lavi, menm arive fer bann pese grav. Serten pa’n fer keksoz sitan grav, me zot demann zot lekor si bann swa ki zot in fer dan zot lavi ti vreman sa enn meyer. Lezot in nobou aksepte bann desizyon ki zot in fer dan lepase e kontinyen avek zot lavi. Letan zot mazin lepase, pour lezot ankor, sa parol i toultan retourn dan zot lespri: “Ar, si zis . . . .” (Ps. 51:3) Dan ki group ou tonbe ou? Eski ou ti a kontan servi Bondye san okenn regre apartir ozordi? Eski i annan legzanp okenn dimoun ki nou kapab tir en leson avek? Zapot Pol i enn sa legzanp.

³ Diran son lavi, Pol ti fer bann gro fot ensi ki bann bon desizyon. I ti regret en kantite keksoz ki i ti fer dan lepase, me i ti osi aprann konsantre lo sa ki ti pou fer li reisi dan son lavi e servi Bondye fidelman. Annou vwar ki mannyer son legzanp i kapab ed nou servi Bondye san okenn regre.

BANN GRO FOT KI POL TI FER

 4. Ki bann gro fot zapot Pol ti fer?

⁴ Ler i ti ankor en zenn Farizyen, Pol ti fer bann keksoz ki i ti regrete plitar. Enn se ler i ti diriz en kanpanny persekisyon kriyel anver bann disip Kris. Sa resi Labib i dir ki deswit apre ki Etyenn ti’n ganny touye, “Sol [ki plitar ti ganny apele Pol] . . . ti konmans detri [“kongregasyon,” NW]; i ti al dan tou bann lakaz, enn apre lot, e tir bann krwaryan, zonm konman fanm e zet zot dan prizon.” (Akt 8:3) Albert Barnes, en spesyalis Labib ti dir ki sa mo Grek ki’n ganny tradwir “detri” kongregasyon oubyen “tret kongregasyon avek vyolans” i “montre avek ki lentansite ek lakoler ki [Sol] ti persekit bann Kretyen.” Sanmenm Albert Barnes ti azoute ki “Sol ti tir son lakoler lo legliz parey en bebet sovaz.” Konman en Zwif byen devoue, Sol ti krwar ki i ti son responsabilite devan Bondye pour elimin bann Kretyen. Alors, i ti martiriz bann Kretyen dan en fason vreman kriyel, “ranpli avek bann menas lanmor kont bann disip Senyer, . . . zonm ou fanm” e esey detri zot.​—Akt 9:1, 2; 22:4.a

 5. Ki mannyer Sol ti aret persekit bann disip Zezi e konmans pres lo Kris?

⁵ Sol ti determinen pour al Damas pour tir bann disip Zezi dan zot lakaz e trenn zot Zerizalenm pour zot ganny zize severman par Sannedren. Me i pa ti reisi akoz i ti pe lager avek Sef kongregasyon Kretyen. (Efe. 5:23) Ler Sol ti dan semen pour al Damas, en lalimyer briyan ti aparet sorti dan lesyel e Sol ti vin aveg. Apre sa, Zezi ti anvoy Sol Damas kot i ti pou espere ziska ki i ti pou ganny plis lenformasyon. Nou konnen ki i ti arive apre.​—Akt 9:3-22.

6, 7. Ki mannyer nou konnen Pol ti byen konsyan bann fot ki i ti fer dan lepase?

⁶ Desito ki Pol ti vin en Kretyen, son bann valer ti sanze. I ti nepli sa lennmi kriyel bann Kretyen, me i ti plito sa enn ki defann zot avek devouman. Toudmenm, plitar i ti ekrir: “Zot in sirman tann koz lo mwan, sa ki mon ti fer lontan dan pratik larelizyon Zwif: Mon ti persekit avek vyolans [“kongregasyon,” NW] Bondye e mon ti esey detri li.” (Gal. 1:13) Plitar, i ti koz lo son pase avek regre ler i ti ekrir bann Korentyen, Filipyen ek Timote. (Lir 1 Korentyen 15:9; Fili. 3:6; 1 Tim. 1:13) Pol pa ti fyer pour ekrir sa bann keksoz ki i ti fer, me i pa ti osi fer konmsi tou sa la pa ti’n arive. I ti konsyan ki i ti’n fer bann fot vreman grav.​—Akt 26:9-11.

⁷ Frederic Farrar, en spesyalis Labib ti koz lo rol ki Sol ti zwe dan “sa persekisyon terib kont bann Kretyen.” Frederic Farrar ti osi dir ki nou kapab konpran ki i ti’n bezwen sagren en kantite e ki serten ti’n kapab kritik li ler ou reflesir lo ki kantite kriyel ki sa bann persekisyon Pol ti ete lo bann Kretyen. Parler, i posib ki Pol ti ganny aprose par bann frer dan bann kongregasyon ki i ti vizite, e i posib ki ler zot ti vwar li zot ti dir, ‘Alor, ou menm ou sa Pol, sa enn ki ti persekit nou.’​—Akt 9:21.

 8. Ki mannyer Pol ti santi konsernan mizerikord ek lanmour ki Zeova ek Zezi ti demontre anver li, e ki leson nou kapab tire atraver sa?

⁸ Selman, Pol ti osi realize ki se gras a labonte ekstraordiner oubyen lagras Bondye ki i ti kapab akonplir son minister. I ti koz lo sa kalite Bondye apepre 90 fwa dan son 14 let, plis ki okenn lezot ekriven Labib. (Lir 1 Korentyen 15:10.) Pol ti vreman apresye lafason ki Zeova ti’n tret li avek mizerikord e i ti oule fer sir ki Zeova pa ti’n demontre labonte ekstraordiner anver li anven. Pour sa rezon, i ti “travay plis ki tou lezot” zapot. Legzanp Pol i montre klerman ki si nou konfes nou fot e sanz nou fason viv, alor nou kapab benefisye avek sakrifis Zezi e ganny pardon Zeova pour nou bann pese grav. Pa sa i en bon leson pour tou bann ki vwar li difisil pour krwar ki zot kapab benefisye personnelman avek sakrifis Kris! (Lir 1 Timote 1:15, 16.) Menm si Pol ti’n determinen pour persekit Kris, toudmenm i ti kapab ekrir: “Garson Bondye ki’n kontan mwan e ki’n donn son lavi pour mwan.” (Gal. 2:20, nou ki’n met an italik; Akt 9:5) Anfet, Pol ti aprann konman pour servi Bondye san devlop plis regre. Eski ou osi ou’n aprann sa leson?

ESKI OU ANNAN OKENN REGRE?

9, 10. (a) Akoz serten serviter Zeova i annan regre? (b) Akoz i pa fer sans pour kontinyen enkyet akoz bann keksoz lepase?

⁹ Eski ou’n fer serten keksoz ki ozordi zour ou pe regrete? Eski ou’n gaspiy letan ek lenerzi dan bann keksoz ki pa vo lapenn? Eski ou’n azir dan en fason ki’n fer ditor ou kanmarad? Oubyen, eski ou annan bann santiman negatif ouswa regre pour okenn lezot rezon? Ki ou kapab fer?

¹⁰ Pour bokou dimoun, zot mazin zis sanmenm, e sa i fatig zot lespri, fer zot sagren e zot enkyet en kantite. Me eski sa kalite lenkyetid pou ed ou rezourd ou problenm? Pa ditou! Fer konmsi ou pe pedale lo en bisiklet legzersis dan ou lakaz, menm si ou pedal avek tou ou kouraz, eski ou ekspekte al okenn par? Pareyman, olye pran traka, pran aksyon pozitif e sa pou anmenn bon rezilta. Par egzanp, ou kapab demann leskiz sa dimoun ki ou’n fer ditor, kekfwa sa pou amelyor zot relasyon. Oubyen ou kapab aret fer en keksoz ki’n deza anmenn ou dan en move semen akoz sa pou anpes ou retonm dan problenm. Petet dan serten ka ou pou bezwen zis aksepte serten sityasyon dan lavi. Me kontinyelman enkyet pour en problenm pou zis paraliz ou e anpes ou servi Zeova avek tou ou leker. Napa okenn benefis ler ou les lenkyetid fatig ou.

11. (a) Konman nou kapab benefisye avek mizerikord ek labonte leker Zeova? (b) Kwa ki pou ed nou ganny lape lespri konsernan nou bann fot lepase?

¹¹ Serten i annan sa tandans pour les bann fot ki zot ti fer dan lepase telman dekouraz zot ki zot krwar ki zot pa pou zanmen kapab annan valer dan lizye Bondye. Zot santi ki Bondye pa pou vreman kapab pardonn zot, akoz zot in al tro lwen dan lemal ouswa zot tro souvan fer sa ki mal. Pourtan, larealite i en lot, nenport kwa ki ou’n fer dan lepase, si ou repantir, sanze e demann pardon, Zeova i kapab demontre son mizerikord ek labonte leker anver ou parey i’n fer avek lezot. (Akt 3:19) Zeova pou kontan pour pardonn en dimoun onnet, ki annan limilite e ki repantir senserman. Bondye ti fer sa dan ka Zob ki ti dir: “Pour sa rezon ki mon pe koriz sa ki mon ti’n dir, e mon repantir [“santi regre,” not] dan lapousyer ek lasann.” (Zob 42:6) Nou tou nou devret swiv sa fason fer pour ganny lape lespri: “Sa enn ki pe kasyet son bann lofans pa pou reisi, me sa enn ki pe konfese e pe kit zot pou ganny demontre mizerikord.” (Prov. 28:13; Zak 5:14-16) Alor, nou kapab konfes nou fot avek Bondye, demann pardon dan lapriyer e fer sa ki neseser pour koriz kot nou mal. (2 Kor. 7:10, 11) Kan nou’n fer sa, nou pou kapab ganny pardonnen par sa Enn ki ‘pardonn bokou.’​—Iza. 55:7.

12. (a) Ki legzanp David i ansenny nou pour fer ler nou annan en konsyans sarze? (b) Dan ki sans Zeova in santi regre? Ki led nou kapab gannyen lefet ki nou konn sa? (Vwar bwat.)

¹² Lapriyer i pwisan e Bondye i kapab akonplir en kantite si nou priy li. Dan en Psonm, David ti eksprim son bann santiman profon dan en zoli lapriyer ki i ti fer avek lafwa. (Lir Psonm 32:1-5.b) Parey David ti admet, i vreman fatigan pour annan en konsyans sarze akoz nou santi nou koupab. Aparaman, i ti bezwen soufer mantalman e fizikman, e perdi son lazwa akoz i pa ti konfes son fot. Ki mannyer David ti ganny pardonnen e ganny soulazman? Se selman ler i ti konfes son fot avek Bondye. Zeova ti reponn lapriyer David e fortifye li pour ki i kontinyen servi li e akonplir bann keksoz ki annan valer dan lizye Bondye. Pareyman, si nou priy senserman avek tou nou leker, nou kapab asire ki Zeova pou vreman ekout nou siplikasyon. Si serten keksoz ki ou’n fer dan lepase pe fatig ou, aranz sa ki ou kapab e apre annan konfyans ki Zeova in pardonn ou.​—Ps. 86:5.

GET LAVENIR

13, 14. (a) Kwa ki devret pli enportan pour nou la konmela? (b) Ki kestyon ki kapab ed nou pour analiz nou lavi la konmela?

¹³ Dimoun in deza dir ki nou kapab konpran lavi ler nou get lepase, me ki nou devret viv nou lavi par get lavenir. Alor, olye enkyet konsernan bann keksoz lepase, nou devret plito mazin sa ki nou pe fer la konmela oubyen sa ki nou pou fer dan lavenir. Sa ki nou pe fer la konmela oubyen ki nou pa pe reisi fer, eski se sanmenm ki nou pou regrete nou pa’n fer ouswa nou ti a’n fer diferaman dan detrwa lannen? Eski nou pe viv en lavi fidel la konmela ki pou anpes nou annan okenn regre a lavenir?

¹⁴ Anmezir ki gran ladetres i aprose, nou pa oule ki nou annan bann tel lenkyetid parey: ‘Eski mon ti’n kapab fer plis dan servis Bondye? Akoz mon pa ti fer pionye ler mon ti ganny sa sans? Kwa ki anpes mwan fer plis pour vin en asistan ministeryel? Eski mon ti vreman fer zefor pour devlop sa nouvo personnalite? Eski mon sa kalite dimoun ki Zeova i oule dan nouvo lemonn?’ Olye enkyet lo sa bann kestyon, akoz nou pa plito analiz nou lekor e fer sir nou donn nou meyer dan nou servis pour Zeova. Sa pou evite ki nou kontinyen viv en lavi ki pou anmenn ankor plis regre a lavenir.​—2 Tim. 2:15.

PA ZANMEN REGRET OU SERVIS SAKRE

15, 16. (a) Ki sakrifis serten in fer dan zot lavi pour met servis Bondye premye? (b) Akoz nou pa devret regret okenn sakrifis ki nou’n fer pour met Rwayonm premye?

¹⁵ Eski ou parmi sa bann ki’n fer sakrifis pour servi Zeova a plen tan? Petet ou’n kit en karyer prometan ouswa abandonn en bon biznes pour senplifye ou lavi e annan plis letan pour bann keksoz spirityel. Petet ou’n reste selibater ouswa si ou’n marye, ou pa’n annan zanfan pour ki ou kapab antreprann servis a plen tan parey servi dan Betel, konstriksyon enternasyonal, sirveyan rezyonal oubyen servis misyonner. Eski ou devret regret sa bann desizyon anmezir ki letan i pase dan servis Zeova? Eski ou devret panse ki i pa ti vo lapenn fer sa bann sakrifis oubyen ki ou’n dedye tro bokou letan dan ou lavi dan sa servis? Pa zanmen mazin koumsa!

¹⁶ Ler ou ti fer sa bann desizyon, ou ti fer li akoz ou gran lanmour pour Zeova e en dezir senser pour ed lezot servi li. Pa bezwen krwar ki ou lavi ti pou’n pli meyer si ou ti’n viv li diferaman. Ou kapab annan en gran satisfaksyon pour konnen ki ou ti fer sa ki ou konnen i byen dan ou ka. Ou kapab kontan ki ou’n donn ou meyer pour servi Zeova. I pa pou oubliy bann sakrifis ki ou’n fer dan ou lavi. Dan vre lavi ki pe vini, i pou rekonpans ou avek bann benediksyon ki ou pa ni menm kapab mazinen.​—Ps. 145:16; 1 Tim. 6:19.

KONMAN SERVI BONDYE SAN OKENN REGRE

17, 18. (a) Ki prensip ki ti ed Pol pour servi Bondye san okenn regre? (b) Ki ou determinen pour fer konsernan ou lepase, ou lavi prezan e ou lavenir dan servis Zeova?

¹⁷ Ki prensip Pol ti aprann ki ti ed li servi Bondye san okenn regre? Dapre tradiksyon John Phillips, Pol ti ekrir: “Mon’n kit lepase deryer e mon fil mon lanmen pour pran sa ki par devan e al direk lo bit.” (Lir Filipyen 3:13, 14.) Pol pa ti konsantre lo bann keksoz mal ki i ti fer ler i ti ankor dan larelizyon Zwif. O kontrer, i ti depans tou son lenerzi pour kalifye pour resevwar lavi eternel.

¹⁸ Nou tou nou kapab swiv sa menm prensip parey zapot Pol. Olye enkyet pour lepase lo bann keksoz ki nou pa kapab refer, annou plito konsantre lo sa ki nou fer la konmela e pou fer a lavenir. I vre, nou pa pou kapab oubliy nou bann fot lepase, me nou pa bezwen osi toultan les sa fatig nou. Nou kapab fer nou mye pour met lepase deryer, donn nou meyer pour servi Zeova la konmela e mazin sa zoli lavenir ki devan nou.

[Not anba lo paz]

[Bwat lo paz 25]

DAN KI SANS ZEOVA TI REGRETE?

Plizyer fwa, Labib i mansyonnen ki Zeova ti “regrete.” (Yona 3:10; Zen. 6:6, 7; Ziz 2:18; 1 Sam. 15:11) Vi ki tou sa ki Zeova i fer i parfe, si i regrete i pa zanmen akoz en fot ki i’n fer. (Nom. 23:19; Det. 32:4) Plito, regrete dan langaz Ebre, i vedir ki en dimoun i kapab sanz son nide ouswa son lentansyon. Par egzanp, vi ki Zeova i rezonnab, i adapte e i kontan pardonnen, i pare pour sanz son desizyon vizavi bann move dimoun ki repantir e fer bann sanzman.​—Zer. 18:7-10.

[Portre lo paz 22]

[Portre lo paz 24]

Pol ti aprann pour servi Bondye san okenn regre