Ki mannyer lanmor Zezi i sov nou?

Nou fer pese, nou soufer e nou mor akoz sa premye koup imen Adan ek Ev ti dezobeir Bondye.a Me nou annan lespwar. Zeova in fer li posib pour nou ganny sove dan pese ek lanmor. Sa i atraver son Garson Zezi Kri. Labib i dir ki atraver son lanmor Zezi in donn nou en ranson. En ranson i en pri ki ganny peye pour larg en dimoun. Sa pri ki Zezi ti peye ti valer son lavi konman en imen parfe. (Lir Matye 20:28.) Zezi ti pare pour donn son drwa pour viv pour touzour lo later. I’n plito donn nou sa loportinite pour reganny tou sa ki Adan ek Ev ti’n perdi. Zezi in osi montre nou ki kantite li avek Zeova i kontan nou. Sa leson pou ed ou devlop plis lapresyasyon pour lanmor Zezi.

1. Ki mannyer lanmor Zezi i benefisye nou ozordi?

Vi ki nou annan sa tandans pour fer pese, nou fer bokou keksoz ki depler Zeova. Me si nou vreman regrete pour nou bann pese e demann Zeova pour pardonn nou atraver Zezi Kri e nou fer nou mye pour pa repet sa bann fot, nou kapab devlop en lanmitye tre pros avek Bondye. (1 Zan 2:1) Labib i dir: “Kris, en dimoun ki fer sa ki byen ti mor enn fwa pour tou pour bann dimoun ki fer sa ki mal. I ti fer sa pour retir pese e gid zot ver Bondye.”​—1 Pyer 3:18.

2. Ki mannyer nou kapab benefisye avek lanmor Zezi dan lefitir?

Zeova ti anvoy Zezi pour donn son lavi parfe “pour ki nenport ki ki demontre lafwa dan [Zezi] pa ganny detrir me i ganny lavi eternel.” (Zan 3:16) Gran mersi Zezi in fer sa pour nou e byento Zeova pou retir tou bann move keksoz ki dezobeisans Adan in anmennen. Savedir, si nou demontre lafwa dan sakrifis Zezi nou pou ganny sa loportinite pour viv pour touzour dan Paradi isi lo later!​—Izai 65:21-23.

AL PLI O PROFON

3. Lanmor Zezi i liber nou avek pese ek lanmor

VIDEO: Akoz Zezi ti mor?​—Parti 1 (2:01)

• Ki loportinite Adan ti perdi ler i ti dezobeir Bondye?

Lir Romen 5:12 e apre reponn sa kestyon:

• Ki mannyer pese Adan in afekte ou lavi?

Lir Zan 3:16 e apre reponn sa kestyon:

• Akoz Zeova ti anvoy son Garson lo later?

1. Adan ti en zonm parfe ki ti dezobeir Bondye e akoz sa, tou son desandans i fer pese e mor

2. Zezi ti en zonm parfe ki ti obeir Bondye e gras a li, bann imen pou vin parfe e viv pour touzour

4. Lanmor Zezi i kapab benefisye tou dimoun

VIDEO: Akoz Zezi ti mor?​—Parti 2 (2:00)

• Ki mannyer lanmor en zonm i kapab benefisye tou dimoun?

Lir 1 Timote 2:5, 6 e apre reponn sa kestyon:

• Adan ti en zonm parfe me akoz i ti fer pese, tou son desandans i fer pese e mor. Zezi osi ti en zonm parfe. Dan ki fason Zezi ti donn son lavi konman “en ranson” pour tou dimoun?

5. Sa ranson i en kado ki Zeova in donn ou

Bann zanmi Zeova i vwar sa ranson konman en kado ki i’n donn zot personnelman. Par egzanp, lir Galat 2:20 e apre reponn sa kestyon:

• Ki mannyer zapot Pol ti montre ki i ti vwar sa ranson konman en kado ki i’n gannyen personnelman?

Ler Adan ti fer pese, li ek son bann desandans ti ganny kondannen amor. Me Zeova ti anvoy son Garson pour mor pour ki nou kapab ganny sa loportinite pour viv pour touzour.

Anmezir ou lir sa bann verse, esey mazinen ki mannyer Zeova ti’n bezwen santi ler i ti vwar son Garson pe soufer. Lir Zan 19:1-7, 16-18 e apre reponn sa kestyon:

• Ki mannyer ou santi konsernan sa ki Zeova ek Zezi in fer pour ou?

REZIMEN

Lanmor Zezi i fer ki nou kapab ganny pardonnen pour nou pese e i donn nou sa loportinite pour viv pour touzour.

Revizyon

• Akoz Zezi ti mor?

• Dan ki fason lavi parfe Zezi i en ranson pour tou dimoun?

• Ki mannyer lanmor Zezi i kapab benefisye ou?

FER PLIS RESERS

Annou vwar akoz lavi parfe Zezi i ganny apele en ranson.

“How Is Jesus’ Sacrifice ‘a Ransom for Many’?” (Lartik lo jw.org)

Vwar ki nou bezwen fer pour ganny sove.

“Ki mannyer Zezi i sov nou?” (Lartik lo jw.org)

Eski Zeova i kapab pardonn nou si nou fer en pese grav?

“Bible Questions Answered” (Latour Veyer 1 Me 2013 an Angle)

Gete ki mannyer en msye ti sanz son personnalite ler i ti aprann konsernan sakrifis Zezi.

“I Am No Longer a Slave of Violence” (Lartik lo jw.org)