Revelasyon 11:3 i koz lo de temwen ki ti pou profetize pour 1,260 zour. Sa resi i dir ki sa bebet sovaz ti pou “ganny laviktwar lo zot e touy zot.” Me apre “trwa zour edmi” sa de temwen ti pou resisite e tou dimoun ki ti pou vwar zot ti pou sirprann.​—Rev. 11:7, 11.

A lafen sa trwa-z-an edmi ki zot ti’n pres dan zot lenz goni, sa bann Kretyen swazir ti ganny touye dan en sans senbolik. Sa ti arive ler zot ti ganny met dan prizon pour trwa zour edmi senbolik, ki bokou mwens ki sa trwa-z-an edmi. Bann lennmi pep Bondye ti kontan akoz zot ti krwar ki sa de temwen ti’n ganny touye alor sa travay ki zot ti pe fer ti pou fini lanmenm.​—Rev. 11:8-10.