LESON 13
Ki mannyer fo larelizyon i mal reprezant Bondye?
Si Bondye i lanmour, akoz bann larelizyon ki dir zot reprezant li pe fer sitan bokou move keksoz? Larepons i senp, sa bann larelizyon i bann fo larelizyon, zot mal reprezant Bondye. Ki mannyer zot in mal reprezant li? Ki mannyer Bondye li menm i santi lo sa size? Ki i pou fer konsernan sa?
1. Ki mannyer bann fo larelizyon i mal reprezant Bondye par zot lansennyman?
Fo larelizyon “in swazir pour krwar dan mansonz plito ki laverite lo Bondye.” (Romen 1:25) Par egzanp, laplipar larelizyon pa dir zot bann dimoun ki mannyer Bondye i apele. Me Labib i dir ki nou bezwen servi non Bondye. (Romen 10:13, 14) Ler en maler i arive, serten pret i dir ki sa i lavolonte Bondye. Me sa pa vre ditou. Bondye pa zanmen fer bann keksoz ki mal. (Lir Zak 1:13.) Malerezman, mansonz ki sa bann larelizyon in ansennyen in elwanny dimoun avek Bondye.
2. Ki mannyer bann fo larelizyon i mal reprezant Bondye par zot aksyon?
Bann fo larelizyon pa tret dimoun parey Zeova i tret zot. Labib i dir ki “bann pese” bann fo larelizyon “in akimile ziska kot lesyel.” (Revelasyon 18:5) Pour bokou bokou lannen, larelizyon in mel dan politik, siport lager e enplike dan lanmor bokou dimoun. Serten pret pe viv zot lavi deliks e se zot bann dimoun ki oblize peye pour sa. Tousala i montre ki zot pa ni menm konn Bondye, alor zot napa ni drwa reprezant li.—Lir 1 Zan 4:8.
3. Ki mannyer Bondye i santi konsernan fo larelizyon?
Si ou ankoler ler ou vwar sa bann keksoz ki bann fo larelizyon pe fer, ki mannyer ou ekspekte Zeova pou santi? Zeova i kontan dimoun me i ankoler avek sa bann pret ki mal reprezant li e maltret zot bann dimoun. I promet ki fo larelizyon pou ganny detrir e “i pa pou zanmen ganny trouve ankor.” (Revelasyon 18:21) Byento, Bondye pou met en lafen avek tou fo larelizyon.—Revelasyon 18:8.
AL PLI O PROFON
Vwar plis lo ki mannyer Bondye i santi konsernan fo larelizyon. Dekouver sa ki fo larelizyon in fer me osi aprann akoz sa pa devret anpes ou konn Zeova.
4. Bondye pa aksepte tou larelizyon
Bokou dimoun i krwar ki larelizyon i parey diferan semen ki anmenn ver Bondye. Me eski sa i vre? Lir Matye 7:13, 14 e apre reponn sa kestyon:
Ki mannyer Labib i dekri sa semen ki anmenn ver lavi?
Zwe sa VIDEO e apre reponn sa kestyon.
Eski Labib i dir ki i annan bokou larelizyon ki fer plezir Bondye?
5. Fo larelizyon pa demontre lanmour
Larelizyon in mal reprezant Bondye dan plizyer fason. En fason ki larelizyon i fer sa, se ler i partisip dan lager. Pour vwar en legzanp, zwe sa VIDEO. Apre reponn sa bann kestyon.
Ki pozisyon bokou legliz ti pran pandan Dezyenm Lager Mondyal?
Ki mannyer ou santi konsernan sa ki zot ti fer?
Lir Zan 13:34, 35 ek 17:16. Apre reponn sa bann kestyon:
Ki mannyer Zeova i bezwen santi ler i vwar larelizyon pe partisip dan lager?
Fo larelizyon i responsab pour bokou move keksoz. Dan ki fason ou’n vwar ki larelizyon pa pe demontre lanmour?
Fo larelizyon pa’n demontre lanmour
6. Bondye i anvi liber bann dimoun avek sa bann fo larelizyon
Lir Revelasyon 18:4a e apre reponn sa kestyon:
Ki mannyer ou santi ler ou konnen ki Bondye i anvi sov bann dimoun ki’n ganny anbete par fo larelizyon?
7. Kontinyen aprann konn sa vre Bondye
Eski sa bann move keksoz ki fo larelizyon pe fer i devret fer ou vwar Bondye dan en move fason? Fer konmsi i annan en garson ki rezet bon gidans ki son papa i donn li. Sa garson i kit son lakour e i viv en move lavi. Sa papa pa kontan sa bann move keksoz ki son garson pe fer. Akoz sa papa pa devret ganny blanmen pour lafason ki son garson pe viv?
Eski i byen pour blanm Zeova e aret aprann konn li akoz sa ki fo larelizyon pe fer?
SERTEN DIMOUN I DIR: “Mon pa enterese avek Bondye akoz se larelizyon ki anmenn bokou problenm.”
Ou santi koumsa ou?
Akoz sa ki fo larelizyon i fer pa devret fer nou vwar Zeova dan en move fason?
REZIMEN
Fo larelizyon in mal reprezant Bondye par son bann fo lansennyman ek move pratik. Bondye pou detri fo larelizyon.
Revizyon
Ki mannyer ou santi konsernan sa ki fo larelizyon in ansennyen e fer?
Ki mannyer Zeova i santi konsernan fo larelizyon?
Ki Bondye pou fer avek fo larelizyon?
FER PLIS RESERS
Aprann konsernan de fason ki laplipar larelizyon pa pe fer plezir Bondye.
Akoz Zeova i anvi nou ador li ansanm avek lezot?
“Is It Necessary to Belong to an Organized Religion?” (Lartik lo jw.org)
En pret ti santi li trouble par sa ki son larelizyon ti fer. Me sa pa ti anpes li aprann laverite lo Bondye.
“Why a Priest Left His Church” (Veye! Fevriye 2015 an Angle)
Pour bokou lannen, larelizyon in koz manti konsernan Bondye. I’n fer dimoun krwar ki Bondye pa enterese avek nou e ki i kriyel. Dekouver laverite konsernan trwa sa bann mansonz.
“Lies That Make God Seem Unlovable” (Latour Veyer 1 Novanm 2013 an Angle)
a Pour vwar akoz liv Revelasyon i dekri fo larelizyon konman en madanm ki apel Gran Babilonn, vwar Lezot lenformasyon No. 1.