“Zeova i mon Berze”

1. Zeova i mon bon Berze;

Akoz mon pou trakase?

I pran byen swen avek son mouton,

Ni menm enn i pa bliye.

I kondir mwan kot sours delo,

Mon pe ganny ankouraze.

I gard mwan lo semen ladrwatir,

Son non mon pou onore.

I gard mwan lo semen ladrwatir,

Son non mon pou onore.

2. Menm dan en vale ki fernwanr,

Mon pa per lo sa semen.

Mon bon berze i pros avek mwan;

Son baton i gid mwan byen.

I vers delwil lo mon latet;

Mon lakoup, i’n byen ranpli.

Son labonte leker i lo mwan,

Mon pou reste avek li.

Son labonte leker i lo mwan,

Mon pou reste avek li.

3. Mon Berze i saz e zantiy!

Mon loue li, mon zwaye.

Mon pou fer konnen tou bann ki dous,

Ki son swen i merveye.

Mon pou obeir son Parol,

E mars drwat lo son santye.

Son servis i en trezor pour mwan;

Mon pou touzour fer mon mye.

Son servis i en trezor pour mwan;

Mon pou touzour fer mon mye.