LESON 05
Labib i mesaz ki Bondye in anvoy pour nou
Zeova in donn nou en zoli kado. Dan Labib, i annan 66 pti liv. Me petet ou pe demann ou lekor: ‘Kote Labib i sorti? Lekel ki’n ekri li?’ Pour reponn sa bann kestyon, annou vwar ki mannyer mesaz Bondye dan Labib in ariv kot nou.
1. Si zonm ki’n ekri Labib, akoz nou dir i sorti kot Bondye?
Labib ti ganny ekrir par 40 zonm dan en lespas 1,600 an depi lannen 1513 avan Kris ziska lannen 98. Sa bann ekriven ti napa menm ledikasyon oubyen leksperyans lavi. Kantmenm zot ti diferan, Labib antye i annakor avek kanmarad. Ki mannyer sa in posib? Sa in posib akoz Labib i sorti kot Bondye. (Lir 1 Tesalonisyen 2:13.) Sa bann dimoun ki ti ekri Labib pa ti ekri zot prop panse. Plito, zot “ti dir sa ki Bondye ti pous zot pour dir gras a lespri sen.”a (2 Pyer 1:21) Bondye ti servi son lespri sen pour enspir oubyen pous sa bann zonm pour ekri son panse.—2 Timote 3:16.
2. Eski tou dimoun i kapab ganny akse avek Labib?
“Tou nasyon, tribi, langaz ek pep” i kapab benefisye avek sa bon nouvel dan Labib. (Lir Revelasyon 14:6.) Bondye in fer sir ki Labib i ganny tradwir dan bokou plis langaz ki okenn liv in deza ganny tradwir dan listwar. Ozordi, preski nou tou nou kapab lir Labib. Sa i leka nenport ki landrwa nou reste oubyen nenport ki langaz nou koze.
3. Ki mannyer Zeova in prezerv Labib?
Labib ti ganny ekrir lo bann materyo ki pa dirab parey lapo zannimo ek papiris. Me serten zonm ki ti kontan Labib ti kopye e rekopye li avek zot prop lanmen e avek bokou latansyon. Menm si serten dimoun enportan ti esey detri Labib, i ti annan lezot osi ki ti pare pour riske zot lavi pour protez li. Zeova pa’n les okenn dimoun ni okenn keksoz anpes li kominik avek nou. Labib i dir: “Parol nou Bondye i reste pour touzour.”—Izai 40:8.
AL PLI O PROFON
Aprann plis ankor ki mannyer Bondye ti enspir sa bann zonm pour ekri Labib, ki mannyer i’n prezerv li e ki mannyer i’n fer li disponib pour tou dimoun.
4. Labib i fer nou konnen kote i sorti
Zwe sa VIDEO. Apre lir 2 Timote 3:16 e reponn sa bann kestyon.
Akoz Labib i ganny apele Parol Bondye menm si zonm ki’n ekri li?
Eski ou krwar i fer sans pour nou dir ki Bondye i kapab fer bann imen konn son bann panse pour zot ekri?
En sekreter i kapab pe ekri en let me sa mesaz ki ladan i sorti kot sa dimoun ki’n demann li pour ekri sa let. Pareyman, bann zonm ti ekri Labib me son mesaz i sorti kot Bondye
5. Labib in sirviv plizyer latak
Si Labib i sorti kot Bondye, nou ekspekte ki i prezerv li. Dan lepase, bann zonm enportan in esey detri Labib. Bann sef relizye in esey kasyet li. Me bokou dimoun ti riske zot lavi pour protez Labib malgre lopozisyon ek menas lanmor. Annou vwar legzanp enn sa bann zonm, zwe sa VIDEO e apre reponn sa bann kestyon.
Apre ki ou’n vwar tou sa ki’n ganny fer pour prezerv Labib, eski sa i fer ou anvi lir li? Akoz?
Lir Psonm 119:97 e apre reponn sa kestyon:
Kwa ki ti pous bokou dimoun pour riske zot lavi pour tradwir e distribye Labib?
6. En liv pour tou dimoun
Labib i sa liv ki’n ganny pli tradwir e pli distribye dan lemonn. Lir Akt 10:34, 35 e apre reponn sa bann kestyon:
Akoz Bondye i anvi ki son Parol i ganny tradwir e distribye dan sitan bokou langaz?
Ki ou pli kontan avek Labib?
Preski
100%
popilasyon lemonn
i kapab ganny akse avek Labib dan en langaz ki zot konpran
Disponib dan plis ki
3,000
langaz
an antye oubyen an parti
5,000,000,000
Lakantite kopi Labib ki’n ganny pibliye,
i bokou plis ki okenn lezot liv
SERTEN DIMOUN I DIR: “Labib i zis en vye liv ki’n ganny ekrir par zonm.”
Ki ou panse?
Ki levidans ki montre ki Labib i Parol Bondye?
REZIMEN
Labib i Parol Bondye e i’n fer sir ki tou dimoun i kapab ganny akse avek.
Revizyon
Ki ou konpran ler nou dir ki Bondye in enspir zonm pour ekri Labib?
Kwa ki enpresyonn ou lo fason ki Labib in sirviv, ganny distribye e osi tradwir?
Ki mannyer ou santi ler ou konnen ki Bondye in fer sitan bokou zefor pour kominik avek ou?
FER PLIS RESERS
Lir konsernan listwar Labib, depi son bann vye kopi ziska son bann tradiksyon modern.
Dekouver ki mannyer Labib in sirviv menm si serten dimoun in esey detri li.
“Ki mannyer Labib in sirviv ziska nou letan?” (Latour Veyer No. 4 2016)
Vwar lezot keksoz ki dimoun in pare fer pour tradwi Labib.
Labib in ganny kopye e tradwi en kantite fwa. Ki mannyer ou kapab asire ki son mesaz orizinal in ganny prezerve?
“Has the Bible Been Changed or Tampered With?” (Lartik lo jw.org)