¿Jiñoʼ ba jiñi i testigojob Jehová i sujm bʌ xñoptʼañob?

Jiñi i testigojonbʌlon Jehová mi lon c ñop chaʼan i sujm bʌ xñoptʼañon lojon, ¿chucoch? Laʼ laj qʼuel baqui chucul jiñi muʼ bʌ lon c ñop yicʼot jiñi lon j cʼabaʼ, i bajcheʼ mic pʌsben lon c bʌ jiñi cʼuxbiya.

1. ¿Baqui loqʼuem jiñi muʼ bʌ i ñopob jiñi i testigojob Jehová?

Jesús tiʼ sube Dios: «Jiñi a tʼan jiñʌch i sujmlel» (Juan 17:​17). Jiñi i testigojonbʌlon Jehová lajal mi lon c mel bajcheʼ Jesús: Tiʼ pejtelel ora loqʼuem tiʼ Tʼan Dios jiñi muʼ bʌ lon c ñop. Jumpʼejl ejemplo, cheʼ bʌ ti 1870, junmojt xpejcaya bibliajob, cheʼ bajcheʼ cʌmbil jiñi i testigojob Jehová ti jimbʌ ora, tsaʼ caji i tsajiñob jiñi i Tʼan Dios. Tiʼ pejtelel jiñi tsaʼ bʌ caji i ñopob tsiʼ locʼsayob ti Biblia, anquese maʼañic miʼ taj i bʌ yicʼot i cʌntesa tac jiñi Iglesia. Cheʼ jiñi, tsaʼ caji i subeñob yambʌlob jiñi i sujmlel tsaʼ bʌ i tajayob.a

2. ¿Chucoch mi lon c subentel bajcheʼ i testigo Jehová?

Jehová miʼ suben tiʼ Testigo jiñi muʼ bʌ i chʼujutesañob come miʼ subob jiñi i sujmlel tiʼ tojlel (Hebreos 11:​4-​12:1). Jumpʼejl ejemplo, ti wajali, Dios tiʼ sube jiñi i wiñicob chaʼan i Testigojob (pejcan Isaías 43:​10). I Jesús miʼ subentel bajcheʼ «jiñi Xucʼul bʌ testigo» (Apocalipsis 1:5). Jin chaʼan, cheʼ ti 1931 tsaʼ lon cʌlʌ chaʼan lon j cʼabaʼ jiñʌch i testigo Jehová. Wen tijicña mi cubin lon c bʌ chaʼan ili lon j cʼabaʼ.

3. ¿Bajcheʼ miʼ lajibeñob i cʼuxbiya Jesús jiñi i testigojob Jehová?

Jesús tsiʼ wen cʼuxbi jiñi xcʌntʼañob i chaʼan come tsiʼ qʼueleyob bajcheʼ i familia (pejcan Marcos 3:​35). Jiñi i testigojonbʌlon Jehová juntemel añon lojon, jumpʼejl familiajon lojon tiʼ pejtelel pañimil (mulawil). Jin chaʼan mic suben lon c bʌ ti «quermañu» yicʼot ti «hermana» (Filemón 1, 2). Cheʼ jaʼel, mic jacʼ lojon ili mandar: «Cʼuxbinla pejtelel hermanojob» (1 Pedro 2:​17). Cabʌl bajcheʼ mi lon c pʌs jiñi cʼuxbiya, junchajp jiñʌch cheʼ mij coltan lojon jiñi lon quermañujob tiʼ pejtelel pañimil cheʼ miʼ ñusañob wocol tac.

LAʼ LAC ÑUMEN ÑAʼTAN

4. Jiñi muʼ bʌ lon c ñop loqʼuemʌch ti Biblia

Jehová tsiʼ wʌn alʌ chaʼan mi caj i ñumen chʼʌmbentel i sujm muʼ bʌ i yʌl jiñi Biblia. Pejcanla Daniel 12:4 (TNM) i tem alʌla iliyi:

• ¿Chuqui mi caj i «pʼojlel» tiʼ tojlel i wiñicob Dios cheʼ bʌ miʼ wen tsajiñob jiñi Biblia?

Qʼuele bajcheʼ tiʼ tsajibeyob i Tʼan Dios junmojt xpejcaya bibliajob, yaʼ ochem Charles Russell. Qʼuelela jiñi VIDEO i tem alʌla iliyi:

VIDEO: Tsiʼ tajayob jiñi i sujmlel am bʌ ti Biblia (7:​45)

• Cheʼ bajcheʼ tsaʼ laj qʼuele ti video, ¿bajcheʼ tiʼ tsajiyob i Tʼan Dios Charles Russell yicʼot jiñi yambʌ xpejcaya bibliajob?

¿A wujilix ba?

An qʼuiñil, an lon j qʼuexta jiñi muʼ bʌ lon c ñop, ¿chucoch? Come lajal bajcheʼ jiñi Qʼuin cʼunteʼ cʼunteʼ miʼ loqʼuel chaʼan mi laj qʼuelben i sʌclel pañimil, cheʼ jaʼel Dios cʼunteʼ cʼunteʼ miʼ yʌqʼueñonla lac chʼʌmben i sujm jiñi i Tʼan (pejcanla Proverbios 4:​18). Anquese maʼañic miʼ qʼuextʌyel jiñi Biblia, mucʼʌch lon c tojʼesan majlel jiñi muʼ bʌ lon c ñop cheʼ bajcheʼ mi lon c ñumen chʼʌmben majlel i sujm.

5. Mi lon j qʼuel ti ñuc jiñi lon j cʼabaʼ

VIDEO: Jumpʼejl cʼabaʼʌl muʼ bʌ i yʌcʼon lojon ti cʌjñel (2:​40)

• ¿Chucoch weñʌch cheʼ mi lon c subentel bajcheʼ i testigo Jehová?

¿Chucoch an i yajca Jehová jiñi wiñicob xʼixicob (quixtañujob) chaʼan miʼ sujtelob tiʼ Testigo? Come an ajli cabʌl lot tiʼ tojlel, ili wiñicob xʼixicob mi caj i subob i sujmlel tiʼ tojlel Jehová, jiñi i sujm bʌ Dios. Laʼ laj qʼuel jiñi lot tac am bʌ i yʌlʌyob.

An ñopbalʌl tac muʼ bʌ i yʌlob chaʼan Dios yom chaʼan mi laj cʼʌn imagen tac chaʼan mi lac chʼujutesan. ¿Pero i sujm ba jiñi? Pejcanla Levítico 26:1 i tem alʌla iliyi:

• Cheʼ bajcheʼ miʼ yʌl ili versículo, ¿bajcheʼ yilal miʼ qʼuel Dios jiñi imagen tac?

An ñucoʼ bʌ i yeʼtel ti ñopbalʌl tac muʼ bʌ i yʌlob chaʼan Jesús jiñʌch jiñi Dios. ¿Pero i sujm ba jiñi? Pejcanla Juan 20:​17 i tem alʌla iliyi:

• Cheʼ bajcheʼ miʼ yʌl ili versículo, ¿lajaloʼ ba jiñi Dios yicʼot Jesús?

• ¿Bajcheʼ yubil maʼ wubin a bʌ cheʼ bʌ a wujilix chaʼan Jehová tiʼ sube jiñi i Testigojob chaʼan miʼ subob jiñi i sujmlel tiʼ tojlel yicʼot tiʼ tojlel i Yalobil?

6. Mij cʼuxbin lon c bʌ

Jiñi Biblia miʼ yʌl chaʼan jiñi xñoptʼañob lajalob bajcheʼ jujunchajp am bʌ ti lac bʌcʼtal come juntemel miʼ yajñelob. Pejcanla 1 Corintios 12:​25, 26 i tem alʌla iliyi:

• ¿Chuqui yom miʼ melob jiñi i sujm bʌ xñoptʼañob cheʼ bʌ jiñi yambʌ i piʼʌlob woliʼ ñusañob wocol?

• ¿Bajcheʼ an a qʼuele chaʼan miʼ pʌsbeñob i bʌ cʼuxbiya jiñi i testigojob Jehová?

Cheʼ bʌ jiñi i testigojob Jehová miʼ ñusañob wocol, jiñi i yermañujob tiʼ pejtelel pañimil ti orajach miʼ coltañob. Laʼ laj qʼuel jumpʼejl ejemplo, qʼuelela jiñi VIDEO. Cheʼ jiñi tem alʌla iliyi:

VIDEO: Jiñi huracán Matthew tsaʼ cʼoti ti Haití (5:​29)

• ¿Woli ba i pʌsob cʼuxbiya jiñi i testigojob Jehová cheʼ bʌ miʼ majlelob i coltan i yermañujob baqui miʼ yujtel wocol? ¿Chucoch?

TSAʼ BɅ LAJ CɅÑɅ

Jiñi i testigojonbʌlon Jehová i sujm bʌ xñoptʼañon lojon. Jumpʼejl familiajon lojon muʼ bʌ c chʼujutesan lojon Dios, loqʼuem ti Biblia jiñi muʼ bʌ lon c ñop i mi cʌcʼ lon ti cʌjñel jiñi i sujmlel tiʼ tojlel Jehová.

¿Chuqui tsaʼ cʌñʌ?

• ¿Chucoch tsaʼ ajli chaʼan i testigojon lojon Jehová?

• ¿Bajcheʼ mic pʌsben lon c bʌ cʼuxbiya?

• ¿I sujm ba xñoptʼañob maʼ wʌl jiñi i testigojob Jehová?

CɅÑɅ YAN TAC BɅ

Ñumen cʌñʌyon lojon.

¿Bajcheʼ tsiʼ tajayob i sujmlel jiñi i testigojob Jehová? Parte 1 1:​00:​53

Qʼuele bajcheʼ an i pʌsʌyob jiñi i testigojob Jehová chaʼan mach i sujmic jumpʼejl cʌntesa.

Jiñi i tejclum Dios miʼ ñuqʼuesʌben i cʼabaʼ (7:​08)

Qʼuelben i jacʼbal jiñi cʼajtiya tac am bʌ a melbe a bʌ chaʼan jiñi i testigojob Jehová.

«Cʼajtiya tac muʼ bʌ i ñumen mejlel tiʼ tojlel i testigojob Jehová» (Sección am bʌ ti jw.org)

Stephen tsiʼ mele mach tac bʌ weñic tiʼ caj i tsʼaʼleya. Cʌñʌ chuqui tsiʼ qʼuele tiʼ tojlel i testigojob Jehová chaʼan cheʼ jiñi miʼ qʼuextan i cuxtʌlel.

«Mach weñix chuqui tsaʼ caji c mel» (Tema am bʌ ti Lac Tsictesʌbentel)