HADZIDZI 20
Ètsɔ Viwò Lɔlɔ̃a Na
Tatatɔ
1. Yehowa, mía Fofo,
Nuvɔ̃mewo míenye
Ke èto tafea dzi
Na mɔkpɔkpɔ mí.
Míaɖe gbeƒã nya sia
Na amewo katã.
Wò lɔlɔ̃nu míawɔ,
Asubɔ wò tegbee.
(HAXE)
Ètsɔ Viwò la na
Wòva ku ɖe mía ta.
Míatsɔ dzidzɔ adzi ha,
Akafu wò yi mavɔ me.
2. Mía Xɔlɔ̃, mía Wɔla,
Ènyoa dɔme na mí.
Wò ŋkɔ gã wɔnukua
Léa dzi na mí ɖaa.
Gake wò nunana
Si ƒo ɖe sia ɖe ta
Ye nye Viwò lɔlɔ̃a
Si va ku ɖe mía ta.
(HAXE)
Ètsɔ Viwò la na
Wòva ku ɖe mía ta.
Míatsɔ dzidzɔ adzi ha,
Akafu wò yi mavɔ me.
(ETAƑOƑO)
Yehowa, mía Fofo, míeda akpe na wò
Be nètsɔ Viwò lɔlɔ̃a na wòku ɖe mía ta.
(Kpɔ Yoh. 3:16; 15:13 hã.)