“Tso Aƒe Me Yi Aƒe Me”

1. Tso aƒe me yi aƒe me,

Du me yi kɔƒe me,

Míekakaa Yehowa ƒe nya;

Alẽwo dim míele.

Mawu ɖo Fiaɖuƒea anyi,

Enye nya nyui na mí.

Yesu gblɔe be woaɖe gbeƒãe

L’anyigba katã dzi.

2. Tso aƒe me yi aƒe me,

Míeɖea gbeƒã xɔ⁠xɔ

Si li na ’me siwo katã

Yɔa Mawu ƒe ŋkɔ la.

Ne womenya eŋkɔ o la

’Leke woayɔe mahã?

’Ya ta míayi aƒewo me

Aɖe gbeƒã ŋkɔ la.

3. Mina míayi aƒewo me

Kple Fiaɖuƒe nya nyuia.

Ne woaxɔ nyaa alo woagbee,

Míana ’mewo natia.

Yehowa ŋkɔ teti míayɔ,

Nyateƒe la míagblɔ.

Ne míeyi aƒewo me la,

Eƒ’alẽwo míakpɔ.