“Mawu Nye Lɔlɔ̃”

1. Mawu nye lɔlɔ̃; ekpe mí

Be míasrɔ̃ nɔnɔme sia.

Ne lɔlɔ̃ sia le mía si la,

Nyuiwɔwɔ míaɖe afia.

Ekema míaƒe nuwɔna

Ahe ame bubuwo.

Lɔlɔ̃ sia ana woakpɔe be

Míenye Kristo srɔ̃lawo.

2. Lɔlɔ̃ si Mawu ɖe fia mí

Nu metsina gbeɖe o.

Eƒe lɔlɔ̃ doa ŋusẽ mí

Be míalɔ̃ mía haviwo.

Lɔlɔ̃ gbɔa dzi ɖi, nyoa dɔme,

Lɔlɔ̃ la meʋãa ŋu o.

Míaɖe lɔlɔ̃ fia ’me sia ’me,

Anye Mawu srɔ̃lawo.

3. Lɔlɔ̃ tsɔa nu vɔ̃ kena faa;

Meléa nya ɖe dɔme o.

Lɔlɔ̃ siae mía Mawu fia mí

Be míaɖe fia amewo.

Míado gbe ɖa abia Mawu,

Be míatu lɔlɔ̃ sia ɖo.

Ekema míado dzidzɔ na

Yehowa kple Via Kristo.