Asɛnka Nye Asetsena Nhyiamu Dwumadzi Nwoma—2025 | May

MAY 12-18

MBƐBUSƐM 13

Ndwom 34 Nye Mpaabɔ | Mbue-Enyim Nsɛm (Min. 1)

AKORADZE A OFI NYANKOPƆN N’ASƐM MU

1. Mma Mma “Emumuyɛfo Kandzea” Nndaadaa Wo

(Min. 10)

Hɔn a wɔyɛ ndzɛmba bɔn no nnyi enyidado biara (Mbɛ 13:9; it-2 196 ¶2-3)

Hɔn a wɔka dɛ papa yɛ bɔn na bɔn so yɛ papa no, mma nnye hɔn mmbɔ (Mbɛ 13:20; w12 7/15 12 ¶3)

Jehovah hyira atseneneefo (Mbɛ 13:25; w04 7/15 31 ¶6)

Mfonyin ahorow: Gyinae bɔn bi a ɔbarimba bi a ɔnnsom Jehovah sii nye gyinae pa a enuanom beenu bi so sisii. 1. Nsa kitsa aberantsɛ bi ne nsamu wɔ nightclub na ɔnye nkorɔfo resaw. 2. Ɔno ekyir no, ɔyar ma ɔronom edur. 3. Enuanom bi ehyia mu regye hɔn enyi. Enuanom beenu no rotow ndwom, wɔresaw na woridzidzi. 4. Adze akye ma wɔrokɔ asɛnka. — Sɛ ehwɛ hɔn a wɔdze hɔn adwen si wiadze yi mu ndzɛmba do no abrabɔ a, ebɛka dɛ ɔyɛ fɛw araa ma. Naaso ɔyɛ hyɛnhyɛn kwa; hwee nnyi mu. Naaso hɔn a wɔyɛ dza Jehovah pɛ no dze, hɔn enyiwa gye paa

2. Pɛnsapɛnsa Bible Mu

(Min. 10)

Mbɛ 13:24—Sɛ ɔba no ɔdɔ a yɛbɛda no edzi nye asotwe a yɛdze bɛma ho a, ebɛn adze na kyerɛwsɛm yi ma yehu? (w21.02 5 ¶13)

Wo mbuae
Eyɛɛ dapɛn yi Bible akenkan no mu mpɛnsampɛnsamu no, ebɛn adze na ihunii a epɛ dɛ eka ho asɛm?

Wo mbuae

3. Bible Akenkan

(Min. 4) Mbɛ 13:1-17 (th adzesua 10)

TU MPON WƆ ASƐNKA EDWUMA NO MU

4. Ber A Epɛ Dɛ Ehyɛ Nkɔmbɔ Ase

(Min. 3) EFIEFI ASƐNKA. Fa asɛm bi a ɔda nyimpa pii hɔn ano hyɛ ase. Afei ka Bible mu asɛm bi a nyimpa no n’enyi bɛgye ho kyerɛ no. (lmd adzesua 2 nkyekyɛmu 5)

5. Ber A Epɛ Dɛ Ehyɛ Nkɔmbɔ Ase

(Min. 4) BER A INNYI ASƐNKA MU. To nsa frɛ nyimpa no ma ɔmbra asafo nhyiamu. (lmd adzesua 2 nkyekyɛmu 3)

6. Ɔkasa

(Min. 5) lmd nkekaho A nkyekyɛmu 9—Asɛntsir: Sɛ Mbofra Bu Hɔn Awofo Na Wotsie Hɔn Asɛm A, Obesi Hɔn Yie. (th adzesua 16)

CHRISTIANFO ASETSENA

Ndwom 77

7. “Atseneneefo Kan Dzɛw Huoo”

(Min. 8) Nkɔmbɔ.

Sɛ yesua Bible no a, yebenya nyimdzee na yebohu nyansa so. Dɛm ntsi sɛ yɛdze yɛ hɛn kandzea, kyerɛ dɛ, sɛ yɛma ɔkyerɛ hɛn kwan a, hɛn abrabɔ besi hɛn yie na hɛn enyi so bɛgye. Nhyira a ɔtse dɛm yi, sɛ wiadze no twe no mu tann mpo a, orunntum mma hɛn nsa nnka da.

“Dza Wiadze No Nnyi No, Orunntum Mmfa Mma Wo” video no mu mfonyin ahorow. Akyerɛbaa Gainanshina tsena beebi a hɔ efuw, na ɔama ne tsir do rohwɛ sor.

Yi VIDEO a wɔato dzin Dza Wiadze No Nnyi No, Orunntum Mmfa Mma Wo. Afei bisa dɛ:

Akyerɛbaa Gainanshina n’asɛm no ma yehu dɛ “atseneneefo kan” ye koraa kyɛn “emumuyɛfo kandzea.” Isi dɛn hu dɛ asɛm yi yɛ nokwar?—Mbɛ 13:9

Wo mbuae

Ɔyɛ a mma nnsɛɛ wo ber nndwendwen wiadze yi mu ndzɛmba ho. Afei so ɔyɛ a, ndzɛmba a edze abɔ afɔr ama eetum asom Jehovah no, mma nnka dɛ enu woho wɔ ho. (1Jo 2:15-17) Mbom no, fa w’adwen si ‘nyimdzee a ɔkyɛn biribiara’ a wo nsa aka no do.—Php 3:8.

8. Asafo Mu Ehiadze

(Min. 7)