-
Marika 9:2-8iVolatabu Vakadewa ni Vuravura Vou
-
-
2 Ni oti e ono na siga, e kauti ratou ga o Pita, Jemesa, kei Joni ina dua na ulunivanua cecere o Jisu. E qai matalia na kena irairai e matadratou,+ 3 e ramase na nona isulu e sau qai sekavula. E sega ni dua na dausavaisulu e vuravura me vakavulavulataka rawa e dua na isulu me va ya. 4 E rairai tale ga vei ratou o Mosese kei Ilaija ni rau veivosaki tiko kei Jisu. 5 E qai tukuna o Pita vei Jisu: “Rapai,* e vinaka dina na nodatou tiko e ke. Me keitou birika mada e tolu na valelaca, e dua me nomuni, dua me nei Mosese, dua me nei Ilaija.” 6 E sega ni kila o Pita na cava tale me kaya, ni sa tuburi ratou na rere levu. 7 E kumukumuni mai na o qai vakaruguti ratou, mani rogo mai na o e dua na domo:+ “Qo na Luvequ lomani,+ dou rogoci koya.”+ 8 Eratou veiraiyaki vakasauri, eratou raici Jisu ga, sega ni dua tale.
-
-
Luke 9:28-36iVolatabu Vakadewa ni Vuravura Vou
-
-
28 Rauta ni walu na siga mai na nona cavuta na vosa ya, sa qai kauti Pita, Joni, kei Jemesa. Eratou cabeta na ulunivanua me ratou lai masu.+ 29 Ni masu tiko, e veisau na irairai ni matana, e tatibi tale ga na nona isulu ena kena sekavula. 30 Raica! erau veivosaki tiko kei koya e rua na tagane, o Mosese kei Ilaija. 31 E serau tale ga na kedrau irairai, ratou veivosakitaka tiko ni sa na biubiu, kei na veika e yalataki me yaco vua mai Jerusalemi.+ 32 A sosovu toka o Pita kei rau na nona itokani, ia ni ratou yadra mai eratou qai raica na iserau i Jisu+ kei rau na tucake vata tu kei koya. 33 Ni rau sa vakarau biubiu tiko, e qai tukuna vua o Pita: “Qasenivuli, e vinaka dina na nodatou tiko e ke. Me keitou birika mada e tolu na valelaca, e dua me nomuni, dua me nei Mosese, dua me nei Ilaija,” ia a sega ni kila na ka e tukuna tiko. 34 Ni se vosa tiko ga, e kumukumuni mai na o qai vakaruguti ratou. Dua na ka nodratou rere ni sa solegi ratou. 35 E qai rogo mai na o e dua na domo+ e kaya: “Qo na Luvequ, o koya e digitaki.+ Dou rogoci koya.”+ 36 Ni vosa mai na domo ya sa tiko duadua ga o Jisu. Ia eratou galuvaka tiko ga, ratou sega ni tukuna vua e dua tale na ka eratou raica ena gauna ya.+
-