iTuvatuva ni Soqoni ni Cakacaka
Macawa me Tekivu Ena 14 Okosita
Sere 114
12 min: Veika me kacivaki kei na kena e digitaki mai na Noda Cakacaka Vakaitalatala ni Matanitu. Tukuna na itukutuku ni cakacaka vakavunau ni vula o Me e Viti, vaka kina ena ivavakoso. Sa vo ga e rua na muanimacawa ena vula oqo o Okosita, uqeti ira kece mera vakaitavi ena cakacaka vakaitalatala ni bera ni dromu na vula. Veivosakitaka na ituvatuva ni cakacaka vakavunau ena muanimacawa.
15 min: “Mo Vala e na i Valu Vinaka ni Vakabauta.” Me kua ni sivia na dua na miniti na ikau ni vosa, veitarotarogi sara. Me tauri mai e so na ivakamacala ena ivola na Cokonaki, taqana 44-5 ena sala mera tuvanaka kina na qasenivuli ni Vulivola ni iVavakoso na cakacaka vakavunau ni nodra iwasewase lalai. Me raici tale ga na sala era veivuke kina ke sega ni vakaitavi vakawasoma ena cakacaka vakaitalatala e dua na dautukutuku, kei na nona vukei me volatukutukutaka vakawasoma.
18 min: Ena Yaga Vakacava Vei Iko ke O Lako i Vuli. Me vosa e dua na tama vei iratou na luvena me vukei iratou me ratou raica na cava e yaga kina na vuli. (Raica na ivola na Young People Ask, taqana 133-9.) E ka ni bolebole vei ira e levu na itabagone na lako i vuli ena vuravura ivalavala vakatani oqo. Era vucesataka tale ga nira nanuma ni na tawayaga ena nodra bula e veisiga na veika era vulica. Me railesuva o tama na ivakavuvuli vakaivolatabu kei na vuna e vinaka kina vua e dua me bau yacova toka e dua na ivakatagedegede ni vuli. Me uqeti iratou na luvena me ratou qacoya na nodratou vuli, me ratou dau vakarorogo tale ga ni caka tiko na vuli.
Sere 127 kei na masu.
Macawa me Tekivu Ena 21 Okosita
Sere 143
12 min: Veika me kacivaki. Ripote ni akaude. Me vakarautaki vinaka e dua na vakatasuasua ni cakacaka vakavunau ena sala me saumi kina na taro: “Na cava me vakabalavutaka tiko kina na Kalou dau loloma na veika rarawa?” (iVola na Reasoning, taqana 395-6) Uqeti ira kece mera vakaitavi ena cakacaka vakaitalatala ena muanimacawa oqo.
8 min: “Porokaramu Vou ni Siga ni Soqo Lavotaki.” Me dua na vosa. Me kacivaki na tikinisiga ni soqo lavotaki e tarava ke sa kilai, uqeti ira kece mera tiko ena siga taucoko oya. Uqeti ira na dautukutuku mera sureti ira mai na tataleitaki vou kei ira na vuli iVolatabu.
25 min: “Sa Yaga Tiko Vei Iko na Soqoni?” Veitarotarogi.
Sere 152 kei na masu.
Macawa me Tekivu Ena 28 Okosita
Sere 165
10 min: Veika me kacivaki. Vakadreti ira kece mera solia na nodra ivolatukutuku ni cakacaka ni vula o Okosita. Mera vakadeitaka na qasenivuli ni Vulivola ni iVavakoso nira sa vakayacora vaka kina na lewe kece ni nodra iwasewase lalai me rawa ni soqoni kece kina na ivolatukutuku ni cakacaka ena 6 Sepiteba.
15 min: Veika e gadrevi ena ivavakoso.
20 min: “E Yaga na Soqoni Vei Ira na iTabagone.” Me taura e dua na qase na veitarotarogi oqo. Ni veivosakitaki na parakaravu 8, me kau cake mai e so na sala yaga ena vukei keda meda dau vakarorogo vinaka kina ena soqoni. (Raica na Yadra!, Janueri-Maji, 1999, taqana 13-14.) Uqeti ira na itubutubu mera vakadeitaka mera dau tiko na luvedra ena soqoni kece.—Raica na vakasavuirogorogo ena Vale ni Vakatawa, 1 Sepiteba, 1997, taqana 25.
Sere 176 kei na masu.
Macawa me Tekivu Ena 4 Sepiteba
Sere 196
10 min: Veika me kacivaki. Kato ni Taro. Uqeti ira kece mera vakadeitaka oqo ni sa tuvanaki oti kece na veika e vauca na nodra na tiko ena dua vei iratou na soqo ni tikina sa roro mai.
15 min: Oqo na Gauna Dua Tani Duadua. Me vosa e dua na qase, me yavutaki ena Vale ni Vakatawa, 15 Noveba, 1996, taqana 22-3.
20 min: “O se Yalovosovoso Tiko Beka Ga?” Me dua na vosa, mera vakaitavi tale ga na vakarorogo. Uqeti ira kece mera dui dikevi ira tale mada se ra sa yalovosovoso tiko ga ena cakacaka vakaitalatala vakarisito se sega. Ke laurai na malumalumu, ena vinakati meda vakaukauataki keda vakayalo. Me okati tale ga e so na ivakamacala mai Na Vale ni Vakatawa, 1 Okotova, 1999, taqana 20-1, parakaravu 17-21. Sureta e rua se tolu na dautukutuku yalodina eratou yalovosovoso tu mai vakadede ena vica vata na yabaki me ratou vakamacalataka se cava eratou sa vakayacora tiko me vukei iratou me ratou kua ni soro koso.
Sere 206 kei na masu.