Railesuvi ni Koronivuli ni Vuli iTalatala Liutaki Vakalou

Na railesuvi ni veivakamacala mai na Koronivuli ni Vuli iTalatala Liutaki Vakalou ena macawa ni 1 Janueri ina 23 Epereli, 2001. Vakayagataka e dua na drauniveva mo vola kina na isaunitaro kece o rawa ni sauma ena loma ni gauna yalataki.

[Nanuma matua: Ena gauna ni railesuvi, me vakayagataki ga na iVolatabu me saumi kina na taro. Era volai na idusidusi kece mera vukei iko ena nomu vakadidike ga vakataki iko. Era na rairai sega ni volai na taqana kei na naba ni parakaravu ena idusidusi mai Na Vale ni Vakatawa.]

Sauma na taro oqo ena Dina se Lasu:

1. Meda kakua ni vakamamadataka na vakayacori ni cala bibi, ia meda vakatotomuri Josefa ena noda tu vakarau ni vosoti koya e cakacala vei keda ni sa veivutuni. (Vkte. 42:21; 45:4, 5) [w-FN 1/1/99 tq. 31 par. 2-3]

2. E lewe ga ni 1 Veigauna na ituvatuva ni yatukawa, kei na tokaruataki ni ivola i Samuela kei na Tui. [si tq. 75 par. 1]

3. E vakamacalataka na iVolatabu ni dua ga na “meca i Karisito,” ena basika mai ena gauna mai muri. [rs tq. 32]

4. A yalomalumalumu o Jisu ni ciqoma na itavi lavotaki me biuta mai na lomalagi me mai bula vakatamata wale e vuravura, me lolovira vei ira na agilosi. (Fpai. 2:5-8; Iper. 2:7) [w-FN 2/1/99 tq. 6 par. 3]

5. Na nona kabai Juta o Sisaki kei na nona butakoca “nai yau ni vale i Jiova, kei nai yau ni nona vale na tui” era vakadeitaka tale ga na dauvakekeli. (2 Vei. 12:9) [Wili iVolatabu vakamacawa; raica w-E 2/1/88 tq. 26 par. 4.]

6. Era sega ni dau papitaiso na gonedramidrami vei ira na lotu Vakarisito ena imatai ni senitiuri. [rs tq. 55]

7. Me kua ni vakasamataka na veivakalougatataki o koya e qarava na Kalou. [w-FN 4/15/99 tq. 16 par. 1]

8. Ni tukuni ena Same 103:2 na “ka ni loloma [se, “cakacaka,” NW]” i Jiova, e vakasamataka tiko o Tevita na ibulibuli vakayago i Jiova. [w-FN 5/15/99 tq. 21 par. 5-6]

9. Na valenisoro eratou a tara o Solomoni, Serupapeli, kei Eroti, vaka kina na valeniveitavaki a tara o Mosese, e vakatakarakarataka e dua ga na ka. [si tq. 87 par. 16]

10. Na ivola ni kawa ena 1 Veigauna e sega ni yaga ena ivavakoso vakarisito taumada. [si tq. 78 par. 23]

Sauma na taro era koto oqo:

11. Na cava e tarabi kina vakalevu ina lewenivuvale i Eapi na lewa i Jiova? (1 Tui 16:31; 2 Tui 9:7, 26) [si tq. 74 par. 34]

12. Ena Maciu 24:45-51, era kilai vakacava kina na vukitani? [rs tq. 35]

13. Na lesoni bibi cava me baleta na kaukaua eda vulica mai na ivakaraitaki i Tui Usaia? (2 Vei. 26:15-21) [Wili iVolatabu vakamacawa; raica w-FN 12/1/99 tq. 26 par. 1-2.]

14. E sega ni tauyavutaka o Jisu e dua na ivakarau ni veivuiyava, ia e kotora e dua na ivakaraitaki levu cava vei keda ena nona vuya na yavadratou na nona yapositolo? (Joni 13:4, 5) [w-FN 3/1/99 tq. 31 par. 1]

15. Na cava e kauaitaki kina ena gauna i Aisea na itukutuku ena 1 Veigauna 14:8-17, ia na cava mera kauaitaka tale ga kina na lotu ni Veivanua Vakarisito edaidai? (Aisea 28:21) [Wili iVolatabu vakamacawa; raica w-E 6/1/91 tq. 21 par. 2-3.]

16. Na tiki ni sokalou cava soti i Peali e veirawai vei ira e levu na Isireli? [w-FN 4/1/99 tq. 29 par. 3-6]

17. Na lesoni yaga cava e vulici rawa mai na sasaga i Esekaia ena nona taqomaka qai vakalevutaka na wai e drodro e Jerusalemi? (2 Vei. 32:3, 4) [Wili iVolatabu vakamacawa; raica w-FN 8/15/96 tq. 6 par. 1-2.]

18. E vakayaloqaqataki ira vakacava na itabagone edaidai na ivakaraitaki i Josaia mera qarava na Kalou ra qai kua vakadua ni malele ina sokalou lasu? (2 Vei. 34:3, 8, 33) [Wili iVolatabu vakamacawa; raica w-E 8/1/90 tq. 5 par. 2.]

19. Era a tawayalodina kece beka na Jiu era a vo tu e Papiloni, na lesoni yaga cava eda vulica kina? (Esera 1:3-6) [Wili iVolatabu vakamacawa; raica w-E 1/15/86 tq. 8 par. 4, 7.]

20. E macala vakacava mai na itukutuku ena 2 Veigauna 5:13, 14, ni a vakarogoca tiko o Jiova na nodra sere ni veivakacaucautaki na nona tamata, qai taleitaka tale ga? [Wili iVolatabu vakamacawa; raica w-FN 5/1/94 tq. 10 par. 7.]

Vakacuruma na vosa e yali tiko ena veiyatuvosa e ra:

21. Ke dua e vakasalataka tiko e dua nona itokani vakarisito me qarauna me yavutaka na ka e tukuna ena ․․․․․․․․ vakalou, segai ena ․․․․․․․․ se ․․․․․․․․ ga vakatamata. (Kolo. 2:8) [w-FN 1/15/99 tq. 22 par. 1]

22. Ena sega ni rawa nida na ․․․․․․․․ ena yasa ruarua ni veivaluvaluti ena ivalu ni ․․․․․․․․. (Maciu 12:30; 2 Ces. 1:8) [rs tq. 48]

23. Na co ca e rawa ni vakataotaka na tubu ni sorenikau, mani sega ni tubulevu me rawa ni vakavuana, e vaka kina na ․․․․․․․․ vakasivia ni ka, kei na veivakacalai ni ․․․․․․․․ ena vakataotaka na tubu vakayalo. (Maciu 13:19, 22) [w-FN 3/15/99 tq. 22 par. 5]

24. “Ko ira sa papitaisotaki e na vukudra na mate,” e kaya o Paula ena 1 Korinica 15:29, e kena ibalebale na nodra na tabadromuci ina dua na ivakarau ni bula ena tini ena ․․․․․․․․ me vakataki Karisito, ra qai ․․․․․․․․ ina bula vakayalo me vakataki koya. [rs tq. 57]

25. Me rawata na lotu Vakarisito dina na ka e sega ni rawata o Solomoni, e dodonu me biuta laivi na yalo e ․․․․․․․․ se na ․․․․․․․․ ena nona sokalou me salavata kei na vosa i ․․․․․․․․ mo ‘lomani Jiova na nomu Kalou ena lomamu taucoko.’ (Maciu 22:37; 1 Vei. 28:9) [Wili iVolatabu vakamacawa; raica w-E 6/1/86 tq. 19 par. 17-18.]

Digia na isau dodonu ni taro ena veiyatuvosa oqo:

26. Na itukutuku ena 2 Tui 17:5, 6 e vakaraitaka na nona ravuta na vualiku ni mataqali e tini ni matanitu o Isireli o (Tikilaci-pileseri; Salimanisa V; Esa-atoni) qai tekivutaka na tolu na yabaki ni kena bukudruadruataki o Samaria, qai mai druka tu vei Asiria ena (740; 607; 537) B.S.K. [Wili iVolatabu vakamacawa; raica w-E 2/15/88 tq. 27 par. 1.]

27. Ni tukuni na veika e yaco e Jerusalemi ni oti na veivakabobulataki i Papiloni ena 2 Tui wase 25, e siqemi rawa kina ni a vola o (Taniela; Isikeli; Jeremaia) na ivola oqo, qai siqemi tale ga kina ni a volai oti na ivola rauta na (580; 537; 455) B.S.K. (2 Tui 25:27) [Wili iVolatabu vakamacawa; raica si tq. 64 par. 3.]

28. E tukuni ena Lako Yani 4:11 ni Kalou o Jiova e “cakava” se lesia ‘na galu, na didivara, na matarai kei na mataboko,’ e kena ibalebale ni (rawa ni beitaki o koya ena kena leqa na yago ni dua; lesia yadua na tamata ina itavi tabu me vakaitavi kina; vakatara me yaco tiko na tu vakaca ni tikiniyago). [w-FN 5/1/99 tq. 28 par. 2]

29. Na 70 na yabaki e tukuni ena 2 Veigauna 36:17-23 e cava ena (537; 607; 677) B.S.K. [si tq. 84 par. 35]

30. Na rua ga na ivakaraitaki ni marautaki ni siganisucu e tukuni ena iVolatabu e (tokona na marautaki ni siganisucu; sega ni tokona; sega ni vakamatatataka). (Vkte. 40:20-22; Maciu 14:6-10) [rs tq. 68]

Biuti ira vata na tikinivolatabu me veisotari kei na iyatuvosa:

Lako 21:22, 23; Vkai. 25:11; Roma 12:2; 2 Pita 3:15, 16; Vkta. 16:13, 14

31. Meda makutu ni veisautaka noda rai da qai vakasinaita noda vakasama ena ka dina vakalou. [w-FN 4/1/99 tq. 22 par. 2]

32. E rui bibi me digitaki vinaka na vosa ni veivakasalataki. [w-FN 1/15/99 tq. 23 par. 1]

33. E tukuna o Jiova ni na tarogi o koya e vakamavoataka na gone e se bera ni sucu. [rs tq. 25]

34. Na veivakamuai i Setani na Tevoro e biligi ira tiko na veimatanitu ina ituvaki kei vuravura ena tini ena ivalu me saqati kina na Kalou. [rs tq. 48]

35. Noda kauta vakatani na ibalebale ni tikinivolatabu me lako vata ga kei na noda nanuma eda na rusa kina. [rs tq. 65]