iTuvatuva ni Macawa e Tekivu ena 8 Janueri
Macawa e Tekivu ena 8 Janueri
Sere 12
10 min: Veika me kacivaki. Uqeti ira kece mera sarava na vidio No Blood—Medicine Meets the Challenge, mera vakarautaki ira kina ena kena veivosakitaki ena macawa ni 22 Janueri. Taurivaka na rua na vakatutu ena tabana 4 se dua tale na vakatutu e ganita na yalava, me vakatasuasuataki kina na soli ni Vale ni Vakatawa, 15 Janueri kei na Yadra!, Janueri-Maji. Ena dua ga na vakatasuasua me vakayagataki kina na iulubale “Au osooso.”—Raica na ivola lailai Na Sala me Tekivu Qai Tomani Kina na Veivosaki ena iVolatabu, t. 11-12.
15 min: Me Yaga Nomu Dikeva na iVolatabu e Veisiga. Me dua na vosa ra vakaitavi na vakarorogo, me yavutaki ena ivakamacala taumada ni Dikeva na iVolatabu e Veisiga—2007. Tukuna na bibi ni noda vakatikitikitaka e vica na miniti e veisiga me veivosakitaki kina na tikinivolatabu kei na kena ivakamacala. Me kerei rawa tu e dua se rua na dautukutuku me rau vakamacalataka na nodrau ituvatuva ni dikeva na tikinivolatabu e veisiga kei na kena yaga. Tinia ena nomu veivosakitaka vakalekaleka na tikinivolatabu ni yabaki 2007.
20 min: Vunautaka na iTukutuku Vinaka Vei Ira Kece ga e Rawa. Me dua na vosa ra vakaitavi tale ga na vakarorogo, yavutaki ena ivola iSoqosoqo e Cakava na Loma i Jiova, tabana 92 ina tabana 102, parakaravu 3.
Sere 165 kei na masu.
Macawa e Tekivu ena 15 Janueri
Sere 93
10 min: Veika me kacivaki kei na kena e digitaki mai na Noda Cakacaka Vakaitalatala.
15 min: E Tarovi Iko Tiko e Dua na Ka? Me vosa e dua na qase, me yavutaki ena Vale ni Vakatawa, 1 Epereli, 2002, tabana 13-15.
20 min: “Vinaka, sa Rauti Au.”a Ni veivosakitaki na parakaravu 4, tarogi ira na vakarorogo na veika e yaco tiko ena yalava era na kauaitaka na itaukeinivale. Me rua na vakatasuasua leleka, me vakaraitaki kina na ka e rawa nida cakava ke ra kaya na itaukeinivale “Sega sa rauta.”—Raica na ivola lailai Na Sala me Tekivu Qai Tomani Kina na Veivosaki ena iVolatabu, t. 8.
Sere 135 kei na masu.
Macawa e Tekivu ena 22 Janueri
Sere 224
10 min: Veika me kacivaki. Wilika na ripote ni akaude, kei na ivola e vakavinavinakataki kina na cau. Taurivaka na vakatutu ena tabana 4 se dua tale na vakatutu e ganita na yalava, me vakatasuasuataki kina na soli ni Vale ni Vakatawa, 1 Feperueri. Me vakatasuasuataki na nona sikovi lesu tiko e dua e dau taleitaka na vakawilika na noda ivoladraudrau vou kece.
10 min: Veika e gadrevi ena ivavakoso.
25 min: “Na Veiqaravi Vakavuniwai Vinaka Duadua.” Me nona itavi e dua na qase. Veivosakitaka sara na vidio No Blood, vakayagataka na taro e vakarautaki. Tinia ena nomu wilika na iotioti ni parakaravu qai uqeti ira mera lai railesuva vinaka na itabataba ni Vale ni Vakatawa erau volai tu.
Sere 188 kei na masu.
Macawa e Tekivu ena 29 Janueri
Sere 55
10 min: Veika me kacivaki. Vakadreti ira na dautukutuku mera solia nodra ripote ni vula o Janueri. Tukuna na ivola ena soli ena Feperueri, me qai dua na kena vakatasuasua lekaleka.
20 min: “O sa Vakarau Tu ke Yaco na Leqa Tubukoso?”b Me nona itavi e dua na qase. Okata na ivakamacala ena Noda Cakacaka Vakaitalatala, Noveba 2005, tabana 3.
15 min: Ke da Yalataka Meda Lesu, Meda Lesu Dina. Me dua na vosa ra vakaitavi tale ga na vakarorogo, me yavutaki ena Vale ni Vakatawa, 15 Sepiteba, 1999, tabana 11. Kerei ira na vakarorogo mera tukuna na ka marautaki era sotava nira lesu ena gauna era yalataka.
Sere 137 kei na masu.
Macawa e Tekivu ena 5 Feperueri
Sere 3
10 min: Veika me kacivaki.
15 min: Vakatakilai Iko ni O iVakadinadina i Jiova! Me dua na vosa ra vakaitavi tale ga na vakarorogo. E so na itabagone era dau rere ni tukuna nira iVakadinadina i Jiova nira na vakalialia kina. Ia, e tiko na vuna vinaka mo vakatakilai iko kina. Era na rairai doka na nomu vakabauta na qasenivuli ke o tukuna vei ira, era na sega tale ga ni vakaukauataki iko mo vakaitavi ena so na soqo e sega ni vakarisito. O ira na gone be e koronivuli era na sega tale ga ni sureti iko mo cakava na ka era dau cakava. E so tale era na rairai siqema na vu ni nomu sega ni dau veibuku, vakaitavi ena qito e dau caka e koronivuli, kei na veika e caka ena taudaku ni gauna ni vuli. O na sega tale ga ni madua na vunau e koronivuli, se sotavi ira nomu icaba ni o cakacaka tiko vakavunau. (g 3/22/02 t. 12) Kerei ira na dautukutuku mera tukuna na yaga ni nodra dau vakatakilai ira e koronivuli nira iVakadinadina i Jiova. Me vakarautaki rawa tu e dua se rua me rau vakamacala kina.
20 min: “Ena Vuavuaivinaka Noda Cakacaka Vakavunau ke Yavutaki ena Loloma.”c Okata na ivakamacala ena Vale ni Vakatawa, 1 Feperueri, 2003, tabana 23, parakaravu 16-17.
Sere 83 kei na masu.
[iVakamacala e ra]
a Me kua ni sivia na dua na miniti na ikaunivosa, veitarotarogi sara.
b Me kua ni sivia na dua na miniti na ikaunivosa, veitarotarogi sara.
c Me kua ni sivia na dua na miniti na ikaunivosa, veitarotarogi sara.