Na Veiqaravi Vakavuniwai Vinaka Duadua

“Era qaravi vinaka duadua vakavuniwai o ira na sega ni taura na dra.” Oqo na ka e kaya o Vuniwai Michael Rose, e dairekita ni tabana ni bula, e vuniwai tale ga ni veivakamoceri. Na cava so e okati ena veiqaravi e ‘sega ni taurivaki kina na dra’? E bibi meda kila na veika oqo me rawa nida qai vakatulewataka kina vakayalomatua na veiqaravi vakavuniwai me caka vei keda. Meda sarava mada na vidio No Blood​​—⁠Medicine Meets the Challenge. Nida sarava oti, meda tarogi keda ena taro era koto oqo.​​—⁠Nanuma Matua: Era vakadreti na itubutubu mera lewa vakamatau nira sarava kei luvedra na vidio oqo, ni vakaraitaki kina vakalekaleka na veisele.

(1) Na cava na vuna levu era sega kina ni taura na dra na iVakadinadina i Jiova? (2) Na veiqaravi vakavuniwai cava era vinakata na iVakadinadina i Jiova? (3) Na dodonu cava e tu vei ira na qaravi vakavuniwai? (4) Na cava e dodonu kina qai ka vakayalomatua noda digia na veiqaravi vakavuniwai e sega ni vakayagataki kina na dra? (5) Ke yali vakalevu na dra ena gauna ni veisele, na cava e rua na ka bibi mera cakava na vuniwai? (6) Na cava na va na tiki bibi ni veiqaravi vakavuniwai e sega ni taurivaki kina na dra? (7) Na cava mera cakava na vuniwai me (a) vakalailaitaki kina na drodro ni dra, (b) maroroi na red blood cell, (c) vakalevutaki vakatotolo na dra, kei na kena (d) maroroi qai vakayagataki tiko ga na dra i koya e sele? (8) Vakamacalataka na rua na veiqaravi vakavuniwai na (a) hemodilution kei na (b) cell salvage. (9) Na cava meda kila taumada me baleta na veiqaravi eda rawa ni digia e sega ni vakayagataki kina na dra? (10) Rawa beka ni caka na veisele levu e sega ni vakayagataki kina na dra? (11) Na cava e so na veiveisau yaga e sa yaco tiko ena tabana ni veiqaravi vakavuniwai?

Noda digia se sega na veiqaravi vakavuniwai e vakaraitaki ena vidio e noda vakatulewa sara ga, ia me salavata kei na noda lewaeloma e vakavulici ena iVolatabu. O sa vakatulewataka oti na veiqaravi vakavuniwai me caka vei iko vaka kina vei ira na luvemu e sega ni taurivaki kina na dra? E dodonu mo vakamacalataka tale ga vakavinaka vei ira na nomu lewenivuvale era sega ni tiko ena dina na ka o sa vakatulewataka kei na vuna.​​—⁠Raica na “Taro na Dauwiliwili” ena Vale ni Vakatawa, 15 June, 2004, kei na 15 Okotova, 2000.