Exode
36 « To ké fè roun plak ki ka briyé ké bon kalité lò é to ké gravé asou l’ : “Sa ki sen-an, a di Jéova”, menm fason yé ka gravé roun so. 37 To ké divèt maré l’ asou marétèt-a ké roun ti kòrd blé ; i ké douvan marétèt-a. 38 I ké asou fron Aaron, é a ké fot Aaron lò roun moun ké fè roun bagaj kont sa ki sakré, sa lé di bagaj Israyélit-ya ka sanktifyé lò yé ka bay yé kou ofrann ki sakré. I ké toujou divèt rété asou so fron, pou Jéova asèpté yé.