Budvar, Mars 27
[Tachem Raj . . . sodanch poilea zagear dovrat.—Mt. 6:33.
Jezu melo tednam tache xis khub dukhi zale. Tumi tanchea zagear aslim zalear tumkam koxem bhogtolem aslem tea vixim chintat. Tannim fokot tanchea lagxilʼlea ixttakuch hogddaunk naslo, punn atam tankam kosloch bhorvonso na oxem tankam dislem. (Lukas 24:17-21) Punn Jezu jivont zaun tankam mellʼllea uprant, tannem vell kaddun, aplea udexim Bible-antleo bhasaunneo koxeo purnn zaleo tem somzonk tankam modot keli. Toxench, tannem tankam ek mhotvachem kam dilem. (Lukas 24:26, 27, 45-48) 40 disam uprant Jezu sorgar gelo tea meren, tache xis dukhi nhoi punn khuxal asle. Karonn tancho Dhoni jivo asa ani tannem dilʼlem kam korunk to tankam modot kortolo mhunn te zannam asle. Ani hea khuxalkaiek lagon te Jehovachi seva korit ravonk pavle. (Lukas 24:52,53; D.I. 5:42) Jezuchea xisanchi dekh gheunk, ami Devachem Raj amchea jivitant poilea zagear dovrunk zai. Tor Jehovachi seva korit ravonk amkam sosnikaiechi goroz asa tem khorem. Punn ami Devachem Raj amchea jivitant poilea zagear dovorlear, Jehova amkam zaitim besanvam ditolo mhunn bhas dita.—Mho. 10:22. w23.01 30-31 ¶15-16
Ugddas Disa sombondit Bible vachop: (Disacheo ghoddnneo: Nisan 16) Marku 16:2-8
Brestar, Mars 28
Tum dhulʼl, ani porot tum dhulʼlint vetoloi.—Ut. 3:19.
Adanv ani Even kelʼli chuk ami korina zaunk, ami Jehova Deva vixim xikot ravonk zai, tachea gunnanchi tokhnnai korunk zai, ani tachem chintop somzonk proitn korunk zai. Ami oxem kelem zalear, Jehova Deva pasot amcho mog vaddttolo. Abrahama vixim chintat. To Jehovacho khub mog kortalo. Ani hea pasot, thodde pavtti, Jehovache nirnnoi taka somzonasle zalear pasun to tachea add vochonk na, punn Jehovak anik bore toren vollkhon gheunk tannem proitn kelo. Udharonnak, apunn Sodom ani Gomorracho nas kortolo mhunn Jehovan Abrahamak sanglem tednam “akʼkhe prithumecho Monsubidar,” vaittam sangata boreancho-i nas kortolo mhunn poilim Abraham bhielo. Jehova toxem kortolo mhunn Abraham manunuch gheunk xokonaslo. Hea pasot, tannem khaltikaien Jehovak eka-fattlean-ek prosn vicharle. Ani Jehovan pasiensan tachea prosnanche zobab dile. Hea vorvim, Jehova dor eka munxachem kalliz topasta, ani to kednanch vaitt munxam sangata borea munxancho nas korina mhunn Abrahamak kollon ailem.—Ut. 18:20-32. w22.08 28 ¶9-10
Sukrar, Mars 29
Visvaxi monis ghutt samballta.—Mho. 11:13.
455 K.X.A.-ant, Rajpal Nehemiasan Jerusalem-acheo vontteo porot bandleo tednam akʼkhea xarachi bori dekhrekh korunk taka visvas dovorpa sarkea munxanchi goroz asli. Tednam Nehemiasan, heram borabor kottacho mukheli, Hananik vinchun kaddlo. Bible-ant Hanani vixim, to “odik khatrecho ani heram zaiteam poros, Dev-bhiranticho monis aslo” oxem sanglolem asa. (Ne. 7:2) Tor Hananik Jehovacho mog aslo ani Jehovak manvona toslim kamam korchi bhirant asli dekhun taka dilʼlem khoinchem-i kam bore toren korunk to khub vavr kortalo. Amkam pasun Hanani sarke gunn aslear ami Jehovache sevent visvas dovorpa sarkim munxam asat mhunn dakhoun ditolim. Amkam Tikikus-achem pasun ek borem udharonn asa. Apostl Pauluk Tikikus-acher visvas aslo. Tikikus-an taka khub modot keli. Ani hea pasot Paulun to ek “visvaxi sevok” oxem mhunnttlem. (Ef. 6:21, 22) Tikikus-an, Efezant ani Kolosant aslolea bhav-bhoinnank fokot Paulucheo chitteoch pavounk nant, punn tankam bhuzvonn ani urba pasun dili. Hea toren apunn visvas dovorpa sarko munis aslo mhunn tannem dakhoun dilem. Tor ami Tikikus-acho ugddas kortat tednam, Jehova sangata amchi ixttagot ghott korunk modot kortat toslea visvas dovorpa sarkea bhavancho amkam ugddas ieta.—Kol. 4:7-9. w22.09 9-10 ¶5-6