Homẹdagbe

Nuhe Jesu Wà

VIDEO: Jesu Hẹnazọ̀ngbọna Dawe Nukuntọ́nnọ De

1. Pọ́n VIDEO lọ, kavi hia Johanu 9:1-7. Enẹgodo, lẹnnupọndo kanbiọ he bọdego lẹ ji:

1. Etẹwẹ Jesu wà jẹnukọn—e hẹnazọ̀ngbọna dawe lọ wẹ ya kavi e lá wẹndagbe lọ na ẹn?—Pọ́n Johanu 9:35-38.

2. Naegbọn aliho he mẹ Jesu yinuwa te gán ko whàn dawe lọ dogọ nado dotoaina wẹndagbe lọ?

Etẹwẹ Nuyiwa Jesu Tọn Ehe Plọn Mí?

2. E yọnbasi dọ mẹde ni do ojlo dogọ nado dotoaina owẹ̀n mítọn eyin e mọdọ mí to emitọn hòpọn.

Hodo Apajlẹ Jesu Tọn

3. Nọ vẹawu mẹlọ. Tẹnpọn nado yọ́n numọtolanmẹ etọn.

1. Kanse dewe dọ: ‘Etẹwẹ gán ko to ahunmẹduna ẹn? Etẹwẹ gán dọ̀n mẹlọ bo gọalọna ẹn?’ Mọwiwà na zọ́n bọ a na do homẹdagbe hia ẹ to jọwamọ-liho podọ po ahundopo po.

2. Dotoaina ahunmẹdunamẹnu mẹlọ tọn nado dohia dọ a to etọn hòpọn. Eyin e dọ numọtolanmẹ etọn na we gando nude go kavi donù nuhahun he e to pipehẹ de go, ma diọ hosọ lọ blo.

4. Dọho to aliho he jọmẹ bosọ do sisi hia de mẹ. Eyin a nọ vẹawu mẹde bosọ jlo na gọalọna ẹn nugbonugbo, kọnugbè towe wẹ na do e hia. Nọ yí sọwhiwhe do de hogbe po kọnugbè he a na yizan po bo dapana nuhe gán hẹn homẹgble e lẹ didọ.

5. Nọ gọalọ. Nọ dín dotẹnmẹ hundote dagbe lẹ nado gọalọna ẹn to aliho taun-taun lẹ mẹ. Nuyiwa homẹdagbe tọn lẹ gán hùn dotẹnmẹ hodọdopọ tọn dote.