14 Vadaeni Mose ese Kadesi amo gwaukau taudia be Edoma ena king dekenai ia siaia,+ bona ia dekenai idia gwau: “Oiemu tadikaka Israela+ be inai bamona ia gwau, ‘Ai davaria metau idauidau ibounai be oi diba namonamo.

17 Mani emu tano amo ai raka hanaia. Ai ese emu uma eiava vain uma amo do ai raka hanaia lasi, bona ai ese emu ranu guri amo ranu do ai inua lasi. Ai be King Ena Dala dekenai do ai raka bona idiba kahana eiava lauri kahana do ai lao lasi ela bona emu tano do ai hanaia.’”+

21 Vadaeni Israela taudia ese gwaukau taudia be Amoro taudia edia king, Sihona dekenai idia siaia, idia gwau:+ 22 “Namona be emu tano ai raka hanaia. Biru gabuna ta eiava vain umana ta dekenai do ai lao lasi. Bona ranu guri ta amo ranu do ai inua lasi. Ai be King Ena Dala dekenai do ai raka ela bona emu tano ai raka hanaia.”+