16 Bena Iehova ese Mose ia hamaoroa: “Israela ena tau badadia amo tatau 70, oi dekenai idia be tau badadia bona taunimanima edia gunalaia taudia unai,+ be lau totona oi haboudia. Bona hebou dubu dekenai idia oi hakaua lao bona oi danu do idia gini hebou. 17 Do lau diho mai+ bona unuseniai oi do lau hereva henia.+ Bona oi dekenai lau henia lauma helaga ena siahu haida do lau kokia+ bona idia dekenai do lau henia, bona idia ese oi do idia durua taunimanima edia metau idia huaia totona, unai amo unai metau be oi sibona ese do oi huaia lasi.+

34 Bena Iehova ena lauma be Gideona latanai ia diho,+ bona ia ese kibi ia hiriria,+ bona Abiesere taudia+ idia haboua ia idia durua totona.

29 Iehova ena lauma be Iepeta latanai ia diho,+ bona ia be Gileada bona Manase tanodia amo ia hanai lao Gileada ena Misipe dekenai,+ bena unuseni amo Amono taudia dekenai ia lao.

5 Vadaeni Samson be ena tamana bona sinana ida Timunaha dekenai ia diho lao. Timunaha ena vain uma gabu dekenai ia ginidae neganai, laiona goadana ta be mai boiboi ida ia dekenai ia mai. 6 Bena Iehova ena lauma ese ia hasiahua,+ bona unai laiona be kahana rua dekenai ia darea, ta ese ena imana amo nanigosi natuna ta ia darea hegeregerena. To ia karaia karana be ena tamana bona sinana dekenai ia gwauraia lasi.

14 Ia be Lehi dekenai ia ginidae bona Filistia taudia ese ia idia itaia neganai, idia be mai moale ida idia boiboi. Bena Iehova ena lauma ese ia hasiahua+ bona iena imana ai idia noho varo be lahi ese ia gabua linen* varodia bamona ai idia lao, bena idia moru.+

6 Dirava ena lauma ese Saulo ia hasiahua+ bona unai hereva ia kamonai neganai, ia badu dikadika.

13 Vadaeni Samuela ese dehoro kavabu* ia abia+ bona Davida ena tadikaka edia vairadiai Davida ia horoa. Bona Iehova ena lauma ese unai dina amo Davida ia hasiahua matamaia.+ Gabeai Samuela ia toreisi bona Rama dekenai ia lao.+

15 Vadaeni Dirava ena lauma be Odede ena natuna Asaraia latanai ia diho.