10 Kepata* be Iuda amo do idia kokia lasi,+ lohia tauna ena itotohi* danu be ia* amo do idia kokia lasi ela bona Silo* ia mai,+ bona taunimanima ese ia do idia kamonai henia.+

24 Bena Saulo be Samuela dekenai ia gwau: “Lau kara dika vadaeni, badina Iehova ena oda herevadia bona emu hereva lau badinaia lasi, bona taunimanima dekenai lau gari bona edia hereva lau kamonai dainai.

28 Unai neganai Samuela be ia dekenai ia gwau: “Hari dina Iehova ese Israela lohiaia siahuna be oi amo ia kokia bona emu varavara ta, oi ia hereaia tauna dekenai do ia henia.+

13 Vadaeni Samuela ese dehoro kavabu* ia abia+ bona Davida ena tadikaka edia vairadiai Davida ia horoa. Bona Iehova ena lauma ese unai dina amo Davida ia hasiahua matamaia.+ Gabeai Samuela ia toreisi bona Rama dekenai ia lao.+

4 Davida ena mauri lagani be 30 neganai, ia be king ai ia lao bona lagani 40 ia lohia.+ 5 Heberona ai ia be lagani 7 bona hua 6 lalonai Iuda ia lohiaia, bona Ierusalema+ ai ia be lagani 33 lalonai Israela ibounai bona Iuda ia lohiaia.

3 Vadaeni Israela ena tau badadia ibounai be king dekenai idia mai, Heberona ai, bona unuseniai Davida ese idia ida gwauhamata ta ia karaia, Iehova vairanai. Bena idia ese Davida idia horoa bona ia be Israela ena king ai ia lao,+ Iehova be Samuela amo ia hereva hegeregerena.+