8 Davida bona ena tatau be vaia Gesuru taudia,+ Girisi taudia, bona Amaleka taudia+ tuari henia totona idia lao, badina unai tano taudia be Telama amo ela bona Suhuru+ bona ela bona Aigupito tanona idia noholaia. 9 Davida ese tano ta ia tuari henia neganai, ia ese tatau bona hahine ia hamasedia,+ to mamoe, boromakau, doniki, kamelo, bona dabua ia abidia, unai bamona ia karaia negadia ta ta murinai, ia be Akisi dekenai ia giroa lou.

18 Amaleka taudia ese idia abia gaudia ibounai be Davida ese ia abia lou,+ bona ena adavana ruaosi ia hamauria.

20 Vadaeni Davida ese Amaleka taudia amo mamoe bona boromakau ibounai ia abidia, bona edia animal be murinai idia raka bona idia abidia animal be vaira kahanai idia hakaudia. Idia gwau: “Inai be Davida ese tuari amo ia abia gaudia.”