35 Unai hanuaboi ai Iehova ena aneru ese Asuria taudia edia kamepa lalonai idia noho taudia 185,000 ia alaia mase.+ Daba momokani ai taunimanima idia noga neganai, unai mase tauanidia ibounai idia itaia.+

22 Egu Dirava ese ena aneru ia siaia bona laiona edia uduna ia koua,+ bona lau idia hadikaia lasi,+ badina Dirava vairanai lau kerere lasi, bona king e, oi dekenai danu kerere ta lau karaia lasi.”

18 Bona aposetolo taudia idia dogoatao bena dibura ruma ai idia atodia.+ 19 To hanuaboi ai, Iehova* ena aneru ese dibura ruma ena iduara ia kehoa,+ idia ia hakaua raka-lasi, bona ia gwau:

11 Vadaeni Petero be idia vara gaudia ia lalopararalaia, bena ia gwau: “Hari lau diba momokani, Iehova* ese ena aneru ia siaia bona Heroda ena imana amo lau ia hamauria bona Iuda taudia idia laloa lau dekenai do idia vara gaudia ibounai idia vara lasi.”+