17 Provinsi bona siti iboudiai lalonai Iuda taudia be King ena taravatu idia kamonai neganai, mai moale ida idia boiboi, bona aria momo idia karaia. Taunimanima momo be Iuda taudia dekenai idia gari dainai, sibona idia gwauraia idia be Iuda taudia.+

14 Iehova be Iakobo do ia hebogahisi henia,+ bona Israela do ia abia hidi lou.+ Edia tano do ia henia lou,+ bona idau bese taudia be Iakobo ena bese do idia bamoa bona do idia tamona.+ 2 Idau bese taudia ese idia do idia abia bona edia gabu dekenai idia abia mai, bona idia be Iehova ena tano ai Israela taudia edia hesiai tatau bona hesiai hahine ai do idia lao.+ Bona guna Israela taudia idia abia mauri taudia be Israela taudia ese do idia abia mauri, bona Israela taudia idia hahisia taudia be Israela taudia ese do idia gunalaia.

Lau idia abidadama henia taudia be do idia hemarai lasi.”+