Gima Kohorona INTANET LAIBRI

Gima Kohorona INTANET LAIBRI

Esekiela 38:22

Nega Matamata Trensleisen Ena Buka Helaga
- 22 ‘Lau ese ia do lau hahemaoro henia.* Ia bona ena tuari oreana dekenai gorere dikana do lau siaia,+ bona taunimanima do idia mase. Bona ia, ena tuari oreana, bona ia ida idia mai taunimanima momo latanai medu bada herea, aisi nadi,+ lahi+ bona salipa+ do lau bubua diho.+

Ioela 3:12

Nega Matamata Trensleisen Ena Buka Helaga
- 12 “Bese idauidau e, do umui toreisi bona Iehosapata Ena Koura dekenai umui daekau mai,
  Badina lau be unuseniai do lau helai bona badina besedia ibounai do lau kota henia.+

Sefanaia 3:8

Nega Matamata Trensleisen Ena Buka Helaga
- 8 “Iehova ia gwau: ‘Unai dainai lau do umui naria noho mai haheauka ida+
  Ela bona do lau toreisi, idia lau tuari henia bona edia kohu do lau dadia.*
  
  Badina egu hahemaoro maoromaoro be bese idauidau bona basileia idauidau do lau haboua,
  Idia latanai egu hereva aukadia bona badu siahuna do lau bubua.+
  
  Badina egu badu be lahi bamona tanobada ibounai do ia gabua ore.+

Sekaraia 14:3

Nega Matamata Trensleisen Ena Buka Helaga
- 3 “Iehova be unai bese iboudiai tuari henia totona do ia lao,+ tuari dinana ai ia tuari bamona.+

Apokalupo 16:14

Nega Matamata Trensleisen Ena Buka Helaga
- 14 Unai hereva be demoni edia hereva bona hoa karadia idia karaia,+ bona idia be tanobada ibounai edia king taudia dekenai idia lao, vadaeni unai king ibounai idia haboua, Siahu Ibounai Diravana ena dina badana ena tuari totona.+

Apokalupo 16:16

Nega Matamata Trensleisen Ena Buka Helaga
- 16 Bona idia ese unai king taudia be gabu ta dekenai idia haboua, Heberu gado ai, unai gabu ena ladana be Aramagedono.*+