Salamo

92 Namona be Iehova lau tanikiu henia,+

Bona Ataiai Momokani Diravana e, emu ladana dekenai hanamoa anedia lau abia* be namo,

 2 Daba ai emu lalokau,*+

Bona hanuaboi ai emu kara momokani lau herevalaia totona,

 3 Sita* bona lut* ai gadaralaia danu,

Bona hap* amo miusiki namona lau gadaralaia.+

 4 Iehova e, oi karaia gaudia dainai, lau oi hamoalea,

Emu imana amo oi karaia gaukaradia dainai mai moale ida lau boiboi.

 5 Iehova e, emu gaukara be namo herea!+

Emu laloa dalana be dobu momokani!+

 6 Laloa namonamo lasi tauna ese unai gaudia do ia dibaia lasi

Bona kavakava tauna ese inai do ia lalopararalaia lasi:+

 7 Kara dika taudia be ava dikadia bamona idia tubu daekau

Bona kerere taudia be mauri namona idia abia neganai,

Dika bada do idia davaria.+

 9 Iehova e, emu inai taudia oi itaia,

Momokani, idia be do idia boio,

Kerere taudia ibounai be gabu idauidau dekenai do idia heau lao.+

10 To oi ese egu goada do oi habadaia, uda boromakau ena goada bamona,

Dehoro namona amo egu tauanina do lau dahua.+

11 Egu inai taudia idia lusi neganai, unai do lau itaia,+

Lau idia tuari henia tatau dikadia idia moru ena sivarai do lau kamonai.

12 To kara maoromaoro taudia be pama au bamona do idia tubu namonamo,

Bona Lebanona ena sida au bamona do idia bada momokani.+

13 Idia be Iehova ena ruma lalonai idia hadoa,

Idia be Dirava ena ariara gabudia ai idia tubu namonamo.+

14 Ena be idia buruka momokani,* to idia ese huahua do idia atoa noho,+

Edia tauanina be do ia namo bona idia goada noho,+

15 Iehova idia gwauraia kara maoromaoro Diravana.

Ia be egu Nadi Badana,+ ia dekenai kara gageva be lasi.