Aonega Herevadia

9 Aonega korikori be ena ruma ia haginia vadaeni,

Ia ese ena ruma totona du 7 ia karaia.

 2 Ia ese ena vamu ia hegaegaelaia namonamo,

Ia ese ena wain ia mikisia vadaeni,

Bona ena teibolo danu ia atoa hegaegae vadaeni.

 3 Ia ese ena hesiai kekenidia ia siaia,

Siti ena ororo amo idia boiboi totona, idia gwau:+

 5 “Oi mai, paraoa oi ania

Bona lau mikisia wain oi inua.

 6 Emu kavakava karadia oi rakatania bona oi mauri,+

Laloparara ena dala ai oi raka lao noho.”+

 7 Hekokoroku tauna ia hamaoromaoroa tauna be do ia hemarai,+

Bona kara dika tauna ia sisiba henia tauna be dika do ia davaria.

10 Iehova gari henia karana be aonega ena matamana,+

Bona Helaga Herea Diravana dibaia karana+ ese laloparara ia henia.

11 Lau dainai emu mauri dinadia do idia momo,+

Bona emu mauri laganidia do idia momo herea.

12 Bema oi aonega, unai ese oi do ia hanamoa,

To bema oi hekokoroku, unai ese oi do ia hadikaia.

13 Kavakava hahine be regerege momo ia karaia.+

Ia be gau ta ia laloa lasi bona gau ta ia diba lasi.

14 Ia be ena ruma ia lao henia dalana ai ia helai,

Unai be siti ena ataiai gabudia* edia helai gabuna ai,+

15 Idia raka hanai taudia dekenai ia boiboi noho,

Oibe, idia raka lao taudia dekenai ia boiboi, ia gwau:

16 “Diba bada lasi taudia e, iniseni umui mai.”

Unai hahine be kavakava* tauna dekenai ia gwau:+

17 “Idia henaoa ranu edia mamina be namo herea,

Bona hunia ai idia ania aniani be namo herea.”+

18 To ia diba lasi iena ruma ai mase taudia idia noho,

Bona ena vadivadi taudia be Mase Gurina* ena dobu momokani gabuna ai idia noho.+