Samuela Ginigunana

22 Vadaeni Davida be unuseni amo Adulama ena kohua+ dekenai ia heau lao.+ Ena tadikakadia bona ena tamana ena bese taudia ibounai ese unai idia kamonai neganai, ia dekenai idia lao. 2 Bona mai edia hekwakwanai taudia, mai edia abitorehai taudia, bona idia maumau taudia ibounai be ia dekenai idia haboua, bona ia be edia biaguna ai ia lao. Bona ia ida idia noho tatau be 400 bamona.

3 Gabeai Davida be unuseni amo Moaba tano Misipe dekenai ia lao, bona Moaba ena king dekenai ia gwau:+ “Mani egu tamana bona sinana be oi ida idia noho ela bona Dirava ese lau totona do ia karaia karana lau diba.” 4 Vadaeni Moaba ena king ida idia ia rakatania, bona idia be ia ida idia noho, Davida be ororo gabudiai ia noho negana ai.+

5 Unai neganai peroveta tauna Gado+ be Davida dekenai ia gwau: “Ororo gabudiai oi noho lasi. Unuseni amo Iuda tanona dekenai oi lao.”+ Vadaeni Davida be unai gabu ia rakatania bona Herete ena uda gabuna dekenai ia lao.

6 Saulo ia kamonai Davida bona ena tatau be idia davaria vadaeni. Bona Saulo be Gibea+ ena ororo ta ai ia noho tamarisiki auna* henunai ia helai, ena imana ai io ia dogoatao, bona ena hesiai taudia ibounai be ia kahirakahira. 7 Bena Saulo be ia kahirakahira idia noho hesiai taudia dekenai ia gwau: “Beniamina taudia e, mani umui kamonai. Iese+ ena natuna ese umui ibounai dekenai tano sisina bona vain umadia do ia henia, a? Ia ese umui ibounai do ia abia hidi tuari orea 1,000 ta ta umui gunalaia bona tuari orea 100 ta ta umui gunalaia totona, a?+ 8 Umui ibounai ese dala umui karaia lau umui hamorua totona! Lauegu natuna be Iese ena natuna ida gwaubou ta ia karaia neganai, ta ese lau ia hadibaia lasi!+ Umui ta ese lau ia hebogahisi henia lasi bona lau umui hadibaia lasi egu natuna ese egu hesiai tauna ta ia durua bona palani idia karaia lau idia hamasea totona. Bona hari ia be lau ia lulua noho.”

9 Bena Edoma tauna, Doega,+ be unuseniai Saulo ena hesiai taudia ia naria, bona ia gwau:+ “Lau itaia Iese ena natuna be Nobu dekenai ia mai, Ahitubu ena natuna Ahimeleka dekenai.+ 10 Bona ia be ia totona Iehova ia noinoi henia bona aniani ia henia. Bona ia dekenai Filistia tauna Goliata ena tuari kaia ia henia danu.”+ 11 Maoromaoro king ese hahelaga tauna Ahitubu ena natuna Ahimeleka bona iena tamana ena bese taudia edia hahelaga taudia ibounai dekenai hereva ia siaia, idia be Nobu dekenai idia noho. Vadaeni idia ibounai be king dekenai idia mai.

12 Vadaeni Saulo ia gwau: “Ahitubu ena natuna e, mani oi kamonai!” Unai neganai ia haere: “Egu lohia e, lau inai.” 13 Saulo be ia dekenai ia gwau: “Dahaka dainai umui ibounai, oi bona Iese ena natuna ese dala umui karaia lau umui hamorua totona? Bona dahaka dainai ia dekenai paraoa bona tuari kaia oi henia bona ia totona Dirava oi noinoi henia? Ia be lau ia inai henia bona lau hamasea totona ia naria noho, hari ia vara noho bamona.” 14 Unai negai Ahimeleka ese king ia haere henia: “Emu hesiai taudia ibounai huanai daika be Davida hegeregerena ia kara momokani?+ Ia be oiemu ravana+ bona emu gima taudia edia biaguna bona emu ruma lalonai idia matauraia.+ 15 Inai be nega ginigunana lasi lau ese ia totona Dirava lau noinoi henia, ani?+ Oi gwauraia gauna lau karaia diba lasi! Namo lasi oi ese emu hesiai tauna bona egu tamana ena bese taudia ibounai oi badu henia, badina emu hesiai tauna be gau ta ia diba lasi.”+

16 To king ia gwau: “Ahimeleka e, oi bona emu tamana ena bese taudia ibounai+ be do umui mase.”+ 17 Unai neganai king be ia kahirakahira idia noho gima taudia ia hamaoroa: “Umui lao bona Iehova ena hahelaga taudia umui hamasea, badina idia be Davida ena kahanai idia lao! Idia diba ia be heau tauna, bona idia ese lau idia hamaoroa lasi!” To king ena hesiai taudia idia ura lasi Iehova ena hahelaga taudia idia dagedage henia. 18 Bena king be Doega dekenai ia gwau:+ “Oi lao bona hahelaga taudia oi hamasea!” Maoromaoro Edoma tauna Doega+ ia lao bona hahelaga taudia ia hamasea. Unai dina ai ia ese hahelaga taudia 85 ia hamasea, idia be epodi* dabua idia karaia.+ 19 Ia ese tuari kaia amo hahelaga taudia edia siti, Nobu+ ia hadikaia ore danu. Bona tatau, hahine, natudia amo ela bona beibi, boromakau, doniki, bona mamoe danu be tuari kaia amo ia hamasedia.

20 To, Ahitubu ena natuna Ahimeleka ena natuna ta, ena ladana be Abiatara,+ ia heau mauri bona ia lao Davida ia badinaia totona. 21 Abiatara ese Davida ia hamaoroa: “Saulo ese Iehova ena hahelaga taudia ia hamasea.” 22 Unai negai Davida be Abiatara dekenai ia gwau: “Unai dina ai Edoma tauna Doega be unuseniai lau itaia neganai, lau diba+ ia ese Saulo do ia hadibaia. Oiemu tamana ena ruma ai idia noho taudia ibounai edia mase be egu kerere. 23 Lau ida oi noho. Oi gari lasi, oi ia ura hamasea tauna be lau ia hamasea danu. Oi be egu henari henunai oi noho.”+