Revareva ta Efeso Taudia Dekenai

2 Danu, Dirava ese umui dekenai mauri ia henia, ena be umui be emui kerere bona kara dika lalonai umui mase vadaeni.+ 2 Guna umui be inai nega oromana* taudia ese idia karaia karadia umui badinaia,+ unai be taunimanima ia biagua hodahoda ena lohia tauna ena ura hegeregerena.+ Unai hodahoda eiava lalohadai+ be hari kamonai lasi taudia edia lalona dekenai ia gaukara. 3 Momokani, guna ita ibounai be tauanina ena ura ita badinaia bona iseda tauanina bona eda lalohadai edia ura hegeregerena ita kara,+ bona ita vara negana amo ita be Dirava ena badu ita abia be maoro,+ taunimanima oredia hegeregerena. 4 To Dirava ena hebogahisi be bada herea,+ bona ita ia lalokau henia bada dainai,+ 5 Keriso ida ita ia hamauria hebou, ena be ita be kerere lalonai ita mase+ (hebogahisi hereadaena dainai hahemauri umui abia). 6 Danu, Keriso Iesu ida ita hakapua dainai, Dirava ese ia ida ita ia hatorea isi lou bona guba dekenai ita helai hebou.+ 7 Vadaeni do ia mai nega oromana* lalonai, Dirava ese ena hebogahisi hereadaena do ia hahedinaraia, unai be gau namodia amo idia honu momokani. Bona ita, Keriso Iesu ida ita hakapua taudia dekenai, ena hariharibada* ia hahedinaraia karana amo unai do ia karaia.

8 Momokani, unai hebogahisi hereadaena dainai, umui be abidadama amo hahemauri umui abia,+ bona unai be emui hekwarahi dainai lasi, to unai be Dirava ena harihari gauna. 9 Oibe, unai hahemauri be emui gaukara dainai umui abia lasi,+ dika tau ta be unai dainai ia heagi. 10 Ita be Dirava ese ia havaraia,+ bona ita be Keriso Iesu ena hahediba taudia dainai,+ ia ese ita ia havaraia gaukara namodia ita karaia totona. Dirava ese guna unai dala be ita totona ia hegaegaelaia.

11 Unai dainai namona be umui laloatao, umui vara negana amo umui be idau bese taudia, bona edia kopina idia utua taudia be umui idia gwauraia kopina utua lasi taudia. 12 Bona mani umui laloa, unai negai umui be Keriso umui diba lasi, Israela besena amo umui daudau, bona gwauhamata ena gwaubou idauidau lalonai umui noho lasi,+ bona taunimanima huanai umui be helaro lasi bona Dirava umui diba lasi.+ 13 Guna umui be Dirava amo umui daudau, to hari Keriso Iesu ida umui hakapua bona Keriso ena rara dainai, umui be Dirava kahirakahira umui lao. 14 Badina Keriso be ita dekenai maino ia mailaia,+ ia ese orea rua ia hatamonaia+ bona idia ia hapararaia magu ia kokia.+ 15 Iena tauanina ia bouboulaia karana amo, ia ese badu ia haorea, unai be Taravatu* lalonai idia noho oda herevadia bona taravatudia. Bena unai orea rua amo orea matamatana ta* ia havaraia. Oibe, unai orea rua be Keriso ida idia hakapua dainai,+ ia ese idia huanai maino ia karaia. 16 Bona hisihisi auna* amo unai orea rua be tauanina tamona ai ia halaoa,+ unai amo Dirava ida maino ai idia noho, badina ena mase amo ia ese badu ia haorea.+ 17 Iesu ia mai bona daudau ai umui noho taudia bona kahirakahira ai umui noho taudia dekenai maino ena sivarai namona ia harorolaia. 18 Badina ia amo ita, inai orea rua taudia, be lauma helaga tamona amo Tamana dekenai ita lao diba.

19 Unai dainai umui be idau taudia lasi bona idau tano taudia lasi,+ to helaga taudia ida umui be bese tamona+ bona Dirava ena ruma bese taudia.+ 20 Umui be aposetolo taudia bona peroveta taudia+ latanai idia haginia rumana bamona, bona Keriso Iesu sibona be unai ruma ena kona nadi badana.+ 21 Ia dainai, unai ruma ena kahana ibounai idia hakapua namonamo,+ bona ia be Iehova* ena dubu helaga ai ia lao.+ 22 Bona umui be ia ida umui hakapua dainai, umui danu ia haginia hebou, vadaeni umui be Dirava ese ena lauma amo ia noholaia gabuna ai ia halaoa.+