Samuela Ginigunana

18 Ionatana+ ese Davida ena hereva Saulo dekenai ia kamonai neganai, Ionatana bona Davida be tura namodia ai idia lao,* bona Ionatana ese ia lalokau henia bada matamaia, ia sibona ia lalokau henia hegeregerena.+ 2 Unai dina amo, Davida be Saulo ena hesiai gaukara ia karaia, bona ena tamana ena ruma dekenai ia siaia lou lasi.+ 3 Bona Ionatana bona Davida ese gwauhamata ta idia karaia,+ badina ia ese Davida ia lalokau henia, ia sibona ia lalokau henia hegeregerena.+ 4 Ionatana ese ena imana lasi kouti ia kokia bona Davida dekenai ia henia, bona iena dabua ma haida, ena tuari kaia, ena peva, bona ena beleta danu. 5 Davida be tuari dekenai ia lao matamaia bona Saulo ese ia siaia gabudia ibounai dekenai ia kwalimu.+ Vadaeni Saulo ese Davida be tuari taudia edia gunalaia tauna ai ia halaoa,+ bona unai ese taunimanima ibounai bona Saulo ena hesiai taudia ia hamoalea.

6 Davida bona ma haida ese Filistia taudia idia tuari henia bona idia giroa lou neganai, hahine be Israela ena siti ibounai amo idia raka-lasi, mai ane+ bona mavaru danu, King Saulo idia hedavari henia totona, bona mai moale ida tambarin+ bona lut* idia gadaralaia. 7 Idia mavaru hahinedia be idia ane, idia gwau:

8 Saulo be ia badu dikadika,+ bona unai ane ese ena lalona ia hahisia, unai dainai sibona dekenai ia gwau: “Idia ese Davida idia hanamoa idia gwau, ia ese taunimanima ten tausen momo ia hamasea, to lau be taunimanima tausen momo lau hamasea. Daudau lasi ia dekenai lohia siahuna do idia henia!”+ 9 Bona unai dina amo Saulo be hanaihanai Davida ena kara ia itaia noho.

10 Murina dinana ai, laloa dikana ta ese Saulo ena lalona ia biagua+ bona Dirava ese unai ia koua lasi, bona vaia Davida ia karaia bamona, ia ese hap* ia gadaralaia+ noho lalonai, Saulo be ruma lalonai ia hereva kava matamaia. Saulo be ena imana dekenai io ia dogoatao,+ 11 bona io ia negea,+ sibona dekenai ia gwau: ‘Lau ese Davida be haba dekenai do lau kokoa kau!’ To Davida be nega rua ia amo ia heau mauri. 12 Bona Saulo be Davida dekenai ia gari, badina Iehova be ia ida,+ to Saulo ia rakatania.+ 13 Unai dainai Saulo ese Davida be ena hesiai gaukara amo ia kokia bona tuari orea tausen edia biaguna ai ia halaoa, bona Davida ese tuari taudia be tuari totona ia gunalaia.+ 14 Davida be ia karaia gaudia ibounai dekenai ia kwalimu noho,+ bona Iehova be ia ida.+ 15 Bona Saulo ia itaia Davida be ia kwalimu neganai, ia dekenai ia gari. 16 To Israela taudia bona Iuda taudia ibounai ese ia idia lalokau henia, badina edia tuari negadiai ia ese idia ia gunalaia.

17 Gabeai Saulo be Davida dekenai ia gwau: “Egu natuna kekeni badana Meraba be inai.+ Lau ese oi dekenai do lau henia oi adavaia totona.+ To, lau totona emu gari lasi karana oi hahedinaraia noho bona Iehova ena tuari oi karaia.”+ Saulo be sibona dekenai ia gwau: ‘Lau ese ia do lau hamasea lasi. To Filistia taudia ese ia idia hamasea be namo.’+ 18 Vadaeni Davida be Saulo dekenai ia gwau: “Lau be daika bona egu varavara taudia, Israela ai egu tamana ena famili unai, be daidia, unai amo king ena ravana ai do lau lao?”+ 19 To, nega ia ginidae Saulo ena natuna Meraba be Davida dekenai do idia henia, to ia be Mehola tauna Adariele+ dekenai idia henia vadaeni, ia adavaia totona.

20 Vadaeni Saulo ena natuna Mikala+ be Davida ia lalokau henia, bona haida ese Saulo idia hamaoroa, bona unai ese Saulo ia hamoalea. 21 Bena Saulo be sibona dekenai ia gwau: “Lau ese ia be Davida dekenai do lau henia, ia be tarapu ta bamona, unai amo Filistia taudia ese ia do idia hamasea.”+ Bena nega iharuana Saulo be Davida dekenai ia gwau: “Hari dina oi be egu natuna kekeni do oi adavaia.”* 22 Danu, Saulo ese ena hesiai taudia ia oda henia, ia gwau: “Hehuni ai Davida umui hereva henia bona umui gwau, ‘Itaia, king be oi dekenai ia moale, bona ena hesiai taudia ibounai be oi idia ura henia. Vadaeni hari king ena natuna kekeni do oi adavaia.’” 23 Saulo ena hesiai taudia ese Davida dekenai unai idia herevalaia neganai, Davida ia gwau: “Lauegu kohu be momo lasi bona taunimanima ese lau idia laloa maragi, unai dainai umui laloa lau hegeregere king ena natuna kekeni lau adavaia totona, a?”+ 24 Bena Saulo ena hesiai taudia ese Davida ena hereva be ia dekenai idia gwauraia.

25 Unai neganai Saulo ia gwau: “Namona be Davida dekenai inai umui gwauraia, ‘King be dava kara ia ura lasi,+ to king ena inai taudia edia davana henia totona, ia ese Filistia taudia 100 edia tauanina ena kopina ia ura.’”+ Badina Saulo be palani ia karaia Davida be Filistia taudia ese idia hamasea totona. 26 Vadaeni Saulo ena hesiai taudia ese iena hereva be Davida dekenai idia gwauraia, bona Davida ia ura king ena natuna kekeni ia adavaia.+ Idia abia hidi negana do lasi neganai, 27 Davida be ena tatau ida idia lao bona Filistia tatau 200 idia hamasea, bona Davida ese unai tatau ibounai edia tauanina ena kopina be king dekenai ia mailaia, king ena natuna kekeni ia adavaia totona. Vadaeni Saulo ese ena natuna Mikala be Davida dekenai ia henia.+ 28 Saulo ia laloparara Iehova be Davida ida+ ia noho bona ena natuna Mikala ese ia lalokau henia.+ 29 Unai dainai Saulo be Davida ia gari henia bada, bona Saulo ena mauri dinadia ibounai lalonai, ia ese Davida ia inai henia.+

30 Filistia ena gunalaia taudia be tuari totona idia lao negadiai, Davida be Saulo ena tuari taudia ibounai amo ia kwalimu.+ Bona iena ladana idia hanamoa bada.+