Salamo

 2 Iehova e, egu gadona oi kamonai.

Heduru totona egu noinoi mani oi kamonai.

 3 Iah* e, bema oi be kerere ibounai oi itaia noho,

Iehova e, daika be emu vairana ai ia gini diba?+

 4 Oi be mai momokani ida taunimanima edia dika oi gwauatao,+

Unai amo oi idia matauraia bada.*+

 5 Lau be Iehova lau naria, mai lalona ibounai ida ia lau abidadama henia,

Iena hereva totona lau naria noho.

 6 Lau be mai ura bada ida Iehova lau naria noho,+

Gima tauna ese daba ena rere ia naria karana ia hereaia,+

Oibe, gima tauna ese daba ena rere ia naria karana ia hereaia.

 7 Israela taudia be Iehova totona idia naria noho be namo,

Badina Iehova ena lalokau be ia noho hanaihanai,+

Bona ia be mai ena siahu bada taunimanima ia hoia lou totona.