Dala Dekenai Pepapepa Ia Davaria

UNAI lagani be 1921. Transvaal, South Africa ena provinsi ta, ena ororo gabuna ai, train ena heau dala idia hanamoa taudia idia gaukara. Unai taudia edia biaguna, Afrikaans tauna, ladana Christiaan Venter, be train dalana ena au ta henunai, pepapepa ta ia itaia. Ia be Watch Tower Bible and Tract Society ese idia printaia pepapepana ta.

Iena gaukara taudia ia hamaorodia gaukara idia rakatania, bena Christiaan be mai ura bada danu unai pepapepa ia duahia. Ia lao iena ravana, Abraham Celliers, dekenai bona mai moale bada ia gwau: “Abraham, hari dina ai hereva momokani lau davaria!”

Nega sisina murinai, idia be pepapepa idia printaia taudia ia torea henidia ma hereva haida ia abia totona. Idia haere neganai, Watch Tower Society ena South Africa branch be Bible buka ma haida idia siaia. Unai tatau rua be edia dina tubua aniani negana ai bona hanuaboi momokani negana ai unai buka idia stadilaia hebou. Nega sisina murinai, idia be edia turadia bona idau taudia dekenai hereva momokani idia hadibaia.

Gabeai, Christiaan bona Abraham be Iehova ena gwauhamata Witness taudia ai idia lao. Edia gaukara goadagoada bona edia abidadama dainai, South Africa taudia momo be hereva momokani idia diba. Ma danu, edia tubudia sinahu mai kahana be hari inai negai Iehova ena Witness taudia ai idia gaukara noho! Idia ta be Iehova ena Witness taudia edia hedikwota, Brooklyn, New York, dekenai ia gaukara, bona ma ta be Watch Tower Society ena opesi, South Africa dekenai ia gaukara.

Hari inai negai, lagani 70 murinai, Bible pepapepadia idia gaukaralaia momo Basileia ena sivarai harorolaia totona.